|
2020-05-11 15:44:35, 1983 ნახვა
ეკონომიკა
გიორგი გახარია - საქართველოს სასტუმრო ინდუსტრიამ კარანტინში 25 ათასზე მეტი ადამიანს მოემსახურა და ისწავლა, როგორ მართოს ვირუსის გავრცელების
საქართველოს სასტუმრო ინდუსტრიამ კარანტინში 25 ათასზე მეტ ადამიანს მოემსახურა, - ამის შესახებ საქართველოს პრემიერ-მინისტრმა გიორგი გახარიამ სასტუმროს და ტურისტული კომპანიების წარმომადგენლებთან შეხვედრისას განაცხადა. მთავრობის მეთაურის შეფასებით, ეს სერიოზული ციფრია და ყველას კარგად უნდა ესმოდეს, რომ ამას თავისი მნიშვნელობა აქვს. „რა თქმა უნდა, ყველაზე მნიშვნელოვანი არის სასტუმრო. სასტუმრო, ბიზნესის თვალსაზრისით იმიტომ, რომ ჩვენ რაღაც მომენტში მივიღეთ გადაწყვეტილება, საკარანტინო ზონებად გამოვიყენოთ ის, ვისაც ამის სურვილი ექნება. მიუხედავად იმისა, რომ თავიდან ბევრი კითხვებიც, შეშფოთებებიც და გაურკვევლობაც იყო, დღეს გამოდის, რომ ეს არის კონკრეტული, კონკურენტული უპირატესობა", - აღნიშნა მთავრობის მეთაურმა. გიორგი გახარიას თქმით, საქართველოში ბევრმა სასტუმრომ ისწავლა, როგორ მართოს ვირუსის გავრცელების და გადაცემის რისკი. „ამას ძალიან დიდი მნიშვნელობა აქვს იმიტომ, რომ თქვენ, ყველა სასტუმრო ბიზნესიდან ხართ და გესმით, რომ ბევრი პროცესებია სასტუმროში და ყველგან საჭირო არის შესაბამისი სტანდარტები, რომლებიც თქვენ, გინდათ, თუ არა, იქ, სადაც საკარანტინო ზონები იყო, მოგიწიათ და ისწავლეთ. ამას აქვს ძალიან დიდი მნიშვნელობა , მსოფლიოს არცერთ ქვეყანას მსგავსი გამოცდილება, ასე სისტემურად, პირველივე დღიდან არ აქვს. შემდგომ, ბოლო პერიოდში, ზოგიერთებმა დაიწყო ამის გამოყენება. მსოფლიო ტურიზმის ორგანიზაციაც ამით ძალიან დაინტერესებულია. ჩვენ ახლა ინფორმაციას ვცვლით", - განაცხადა გიორგი გახარიამ.
თიბისიმ ADB-სა და IFC-ს მხარდაჭერით ვაჭრობის დაფინანსებისთვის $51 მილიონი მოიზიდა
უკრაინამ კრასნოდარის მხარეში ორ მსხვილ ნავთობგადამამუშავებელ ქარხანას თვის დასაწყისიდან მეორედ შეუტია
RP: რუსეთი პოლონეთში მასშტაბური დივერსიული თავდასხმას ამზადებდა, რათა უკრაინა დაედანაშაულებინა
ოპოზიციონერი პოლიტიკოსი მატან კაჰანა ისრაელის ქნესეთის სპიკერი გახდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



