2020-05-03 10:47:29, 1772 ნახვა
რეგიონი
ძლიერმა სეტყვამ საქართველოს რამდენიმე რეგიონი დააზარალა
უხვმა ნალექმა და ძლიერმა სეტყვამ საქართველოს რამდენიმე რეგიონი დააზარალა. მნიშვნელოვანი ზარალი მიადგა საჩხერეს. მუნიციპალიტეტის სოფლებში დაზიანდა ნათესები და ვენახის დაახლოებით 30%. უხვი ნალექის გამო საჩხერეში ქუჩებიც დაიტბორა.
საჩხერის მუნიციპალიტეტის მერის, ბენიამინ ფალავანდიშვილის ინფორმაციით, დაზიანებულია სახნავ-სათესი მიწები და სავარგულები.
სიღნაღის მუნიციპალიტეტში ძლიერი სეტყვა რამდენიმე წუთს გაგრძელდა. სეტყვამ დააზიანა სასოფლო-სამეურნეო ნაკვეთები და ერთწლიანი კულტურები.
ძლიერი სეტყვა იყო მცხეთა-მთიანეთის რეგიონშიც.
ავტორი: ექსპრესნიუსი,
epn.ge (@expressnews.ge)
