იტალია კორონავირუსის გამო ამოქმედებული კარანტინის ეტაპობრივ მოხსნას იწყებს. ბოლო პერიოდში სულ 1739 შემთხვევა დაარეგისტრირეს, რაც გასული 7 კვირის განმავლობაში მინიმალური მაჩვენებელია. 4 მაისიდან, ქვეყანაში სამრეწველო საწარმოები და სამშენებლო სამუშაოები აღდგება. რესტორნებს შეეძლებათ საკვების ადგილზე მიტანის სერვისით სარგებლობა, მოსახლეობას კი ერთ პროვინციაში მცხოვრები ნათესავების მონახულება, დიდი ოჯახური შეკრებები კვლავ იკრძალება.

„საუბარია ნათესავების მონახულებაზე და არა ყველაზე ვისი ნახვაც გინდათ - მეგობრების ან სხვა ახლობლების. არავითარი საღამოები და წვეულებები, თქვენ შეძლებთ მხოლოდ იმათ მონახულებას ვისთანაც ახლო კავშირი გაქვთ“, - განაცხადა იტალიის პრემიერ-მინისტრმა ჯუზეპე კონტემ.

იტალიისთვის სტრატეგიულად მნიშვნელოვანმა საწარმოებმა უკვე განაახლეს მუშაობა. მათ რიცხვს მიეკუთვნება ქვეყნის უმსხვილესი ქარხანა „Fiat Chrysler”,  რომელიც ატესაში მდებარეობს. ფურგონების და მიკროავტობუსების წარმოებაში 6 ათასი ადამიანია ჩართული, კარანტინის ამოქმედებამდე, ამ ქარხანაში დღეში 1200 ავტომობილს ამზადებდნენ.  

ამავდროულად ესპანეთის სამეფო ოჯახის წყვილი, მადრიდში გადაუდებელი სიტუაციების ნაციონალური სააგენტოს შტაბ-ბინას ესტუმრა. ესპანეთში, ბოლო 24 საათის განმავლობაში 300 ადამიანი დაიღუპა, სახელმწიფო კი კარანტინის მოხსნის სპეციალურ გეგმას ამზადებს.

როგორ აღადგინონ ქვეყნის შიგნით სიცოცხლე - ამის შესახებ საფრანგეთის ხელისუფლებამაც დაიწყო საუბარი.  ორშაბათს, პრემიერ-მინისტრმა, ედუარდ ფილიპი დეპუტატებს ესაუბრა იმაზე, თუ როგორ უნდა გაეხსნათ სასწავლო დაწესებულებები, დაებრუნებინათ მოსახლეობა სამსახურებში და აღეჭურვათ დამცავი ნიღბებით.

შვეიცარიის მოსახელობას უკვე აქვს საშუალება სილამაზის სალონს ან სტომატოლოგს ესტუმრონ, შეიძინონ სათესი მასალა და მეტიც ტატუირება გაიკეთონ.

ჩეხეთში, ამ დროისთვის უკვე გაიხსნა ზოოპარკი, რომლებიც კარანტინის გამო გაღატაკების ზღვარზე იყვნენ. ადგილობრივი მედიის ინფორმაციით, ბოლო ორი თვის განმავლობაში 11 ზოოლოგიური პარკის ზარალმა 3,5 მილიონი შეადგინა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

დასავლეთმა ვერ შეამჩნია პუტინის ე.წ „ყველაზე ძლიერი“ ბირთვული რაკეტის გაშვება

TV Imedi: ევროპარლამენტმა 1 წლით საქმიანობა აგვიკრძალა

14 მაისიდან 30 ივნისის ჩათვლით ხაჯალია–სუფსის მონაკვეთზე მოძრაობა დროებით შეიზღუდება

მართვის მოწმობის არაგეგმური, 250 ლარიანი გამოცდა მხოლოდ შაბათობით ჩატარდება