„ეს კომპანიები იმიტომ იკეტება დროებით, რომ მალე გაიხსნას, თორემ გავხსნით ხვალ, მერე იძულებულები გავხდებით დავკეტოთ სექტემბრამდე ან წლის ბოლომდე.

ამის გააზრება რთული რატომ არის ვერ ვხვდები. კომენდანტის საათით,  ყველაზე პესიმისტური გათვლით, 9 საათიდან რა აქტივობებიც იყო, რა პროცენტიც, საერთო აქტივობების, იმდენი პროცენტით შემცირდა რისკები.

უმრავლესობა მოსახლეობის რეკომენდაციებს ასრულებს კარგად და კეთილსინდისიერად და ამ ხალხმა არაფერი არ დააშავა, რომ ვიღაც ერთეულები თუნდაც სტუმრად მიდიან სადმე და რისკებს ზრდიან. ეს შემცირდა 9 საათის შემდეგ პერიოდში და შემცირდა რადიკალურად. ამ ღონისძიებების ჯაჭვმა გამოიღო ის შედეგი, რითაც მგონი ცოტა მოვეშვით ჩვენ  დღეს და გვაქვს იმის თქმის საფუძველი, რომ მოდით, ხვალვე გავხსნათ ეკონომიკა. ხვალვე გავხსნით და სამწუხაროდ მოგვიწევს ახალ წლამდე დაკეტვა, იმიტომ, რომ შემთხვევები გაგვეზრდება ათჯერ და ოცჯერ",-ამის შესახებ საპარლამენტო უმრავლესობის ლიდერმა, ვიცე-სპიკერმა მამუკა მდინარაძემ ბიუროს დღევანდელ სხდომაზე ოპოზიციის საპასუხოდ განაცხადა.

მამუკა მდინარაძემ უპასუხა ოპოზიციის წარმომადგენელთა მხრიდან გაჟღერებუ;ლ პრეტენზიებს კომენდანტის საათთან, კომპანიების დახურვასთან და საგანგებო მდგომარეობით გათვალისწინებულ რიგ შეზღუდვებთან დაკავშირებით.

მისი განცხადებით, სწორედ ღონისძიებების ამ ჯაჭვმა გამიღო შედეგი  და შესაბამისად შეამცირა რისკები. მისივე თქმით, ხელისუფლება ეფექტიანად მიჰყვება ეპიდემიოლოგების და დარგის სპეციალისტების მიერ შემუშავებულ რეკომენდაციებს და ამ მიდგომამ რეალური შედეგები უკვე გამოიღო.

„ეპიდემიოლოგები, შესაბამისი დარგის წარმომადგენლები თანხმდებიან, რომ არის გარკვეული ღონისძიებები ეპიდემიის გავრცელების შემთხვევაში, მისი რისკის შესამცირებლად და ამ ღონისძიებებს მივყვებით სწრაფად და ეფექტიანად. ხომ არ სჯობია ასე ვიმსჯელოთ, რომ ახლა დავკეტოთ რისი დაკეტვაც შეიძლება და ერთ თვეში ვიმსჯელოთ მერე გახსნაზე, რომ ეკონომიკამ ნაკლები ზიანი მიიღოს. ეს არის მიდგომა და ამ მიდგომამ აქამდე სწორი შედეგი გამოიღო",-განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

მოსკოვის აეროპორტებში 30-ზე მეტი რეისი ვერ დაეშვა

კიევის რეგიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო კიდევ ერთი დედა-შვილი დაიჭრა

დრონებმა მოსკოვსა და მიმდებარე რეგიონზე მასშტაბური თავდასხმა განახორციელეს, რამაც საწყობებსა და ნავთობგადამამუშავებელ ქარხნებში ხანძარი გამოიწვია

ტრამპმა მოულოდნელად დაასრულა კემპ დევიდში საარჩევნო კამპანია, ახლო აღმოსავლეთში დაძაბულობის ესკალაციის ფონზე.