საქართველოს პირველი საუნივერსიტეტო კლინიკის დირექტორის, ლევან რატიანის განცხადებით, დღეს დილით გარდაცვლილი პაციენტის დიაგნოზი მწვავე ორმხრივი პნევმონია, პნევმოტორექსი და სეფსისი იყო.

მან ასევე აღნიშნა, რომ პაციენტს ანამნეზში, ბოლო 6 თვის განმავლობაში წონის დეფიციტი აღენიშნებოდა.

„ამ ეტაპამდე  კლინიკაში 62 პაციენტი გვყავს, აქედან 38 დადასტურებული შემთხვევაა დანარჩენნი პაციენტები ელოდებიან ტესტების პასუხებს ლუგარის ლაბორატორიიდან.

თქვენ იცით, რომ ქვეყანაში ყველაზე მძიმე პაციენტები ამ ეტაპამდე ჩვენ კლინიკაში კრიტიკული მედიცინის დეპარტამენტში იმოფებიან ,  62 წლის ქალბატონი, რომელიც კლინიკაში დაახლოებით 10 დღის წინ შემოვიდა, მოხსნილია მართვითი სუნთქვიდან, მისი მდგომარეობა ამ ეტაპამდე არის სტაბილური. იგი ინტენსიური თერაპიის განყოფილებაშ რჩემ ამ დროისთვის დაგეგმილია დამატებითი კლინიკურ - ლაბორატორიული კვლევები. მდგომარეობის გაუმჯობესების შემთხვევაში ის თერაპიის განყოფილებაში გადაინაცვლებს.

რაც შეეხება 80 წლის ქალბატონის მდგომარეობა ამ ეტაპამდე არის მძიმე თუმცა ვიტალური პარამეტრები შენახულია.

თქვენ იცით, რომ 31-ში ჩვენ კლინიკაში, კრიტიკული მედიცინის დეპარტამენტში, შემოიყვანეს 79 წლის პაციენტი , რომელთანაც დადასტურებული იყო კოვ ინფექცია. ამ პაციენტის ანამნეზში ბოლო 6 თვის განმავლობაში იყო მკვეთრი წონის დეფიციტი, ჩატარებული კვლევებიდან დადასტურდა რომ ორმხირვი მწვავე პნევმონიაა, ასევე დადასტურდა პნევმოტორექსი, მწვავე რესპირატორული დისტრესი, შემოყვანისთანავე დადასტურდა მწვავე სეფსისი ჰერმოდინამიკის რღვევით.

ამ კვლევების შემდეგ პაციენტი რეანიმაციულ განყოფილებაში მოთავსდა. დავიწყეთ სიმფტომური და პათოგენეზური მკურნალობა, მაგრამ მისი სომატური პათოლოგიებიდან გამომდინარე, დღეს დილით 9 საათზე დაფიქსირდა ლეტალობა.

რაც შეეხება ორ ორსულ ქალბატონს, რომლებიც იმყოფებიან მეან გინეკოლოგიურ სამსახურში, ერთ-ერთი რომელიც 8 კვირის ორსულია, მისი და ნაყოფის მდგომარეობა ამ ეტაპზე  სტაბილურია, ხოლო 22 კვირის ორსული ქალბატონის მდგომარეობა  ფიზიოლოგიურ პირობებს შეესაბამება.

რაც შეეხება ბოლო 24 საათის განმავლობაში შემოსულ პაციენტებს, კლინიკური კვლევებიდან რამოდენიმე მათგანს დაუდასტურდა კოვ ინფექციისგან გამოწვეული მწვავე პნევმონია, რამოდენიმე მათგანთან დადასტურდა მხოლოდ ინფექცია“, - განაცხადა ლევან რატიანმა.

ავტორი: ექსპრესნიუსი,

სოციალური ქსელები

CNN: ტრამპმა ბოლო 12 დღის განმავლობაში განსაკუთრებით უცნაური საქციელი გამოავლინა

დაავადებათა კონტროლის ცენტრი - ბავშვების მდგომარეობა დამაკმაყოფილებელია, შემთხვევებს მნიშვნელოვანი გართულებები არ მოჰყოლია

112-ში ზარები შეფერხებით შედის - გამოქვეყნდა ალტერნატიული საკონტაქტო ნომრები

მოსკოვის აეროპორტებში 30-ზე მეტი რეისი ვერ დაეშვა