მცხეთა-მთიანეთის სახელმწიფო რწმუნებულმა, რეგიონში შემავალი მუნიციპალიტეტების საკოორდინაციო ჯგუფებთან სამუშაო შეხვედრა გამართა. შალვა კერესელიძემ, საკოორდინაციო ჯგუფების წევრებთან ერთად, კორონავირუსის შესაძლო გავრცელების პრევენციის მიზნით, რეგიონში განსახორციელებელი ღონისძიებები განიხილა. ერთობლივად იმსჯელეს არსებული გამოწვევების გადაჭრის გზებზე.

მცხეთა-მთიანეთში, COVID 19-ის გავრცელების საწინააღმდეგო ზომები კიდევ უფრო გამკაცრდება. მოხალისეთა ჯგუფები და ადგილობრივი თვითმმართველობის წარმომადგენლები, კორონავირუსის პრევენციისთვის, საქართველოს პრემიერ-მინისტრის ხელმძღვანელობით შექმნილი უწყებათაშორისი საკოორდინაციო საბჭოს გადაწყვეტილებების შესრულებაზე მონიტორინგს ყოველდღიურ რეჟიმში განახორციელებენ. ისინი მჭიდრო კომუნიკაციაში არიან რეგიონში მოქმედ უწყებათაშორის საკოორდინაციო ჯგუფთან. აღსანიშნავია, რომ ვირუსის პრევენციული ღონისძიებების განხორციელების პროცესში აქტიურად ჩართულ პირებს, საკუთარი და სხვა მოქალაქეების უსაფრთხოების დაცვის მიზნით, პირბადეები გადაეცათ.

„ქვეყანაში კორონავირუსის შესაძლო გავრცელების პრევენციისთვის სამედიცინო სფეროს წარმომადგენლები და სამთავრობო გუნდი 24-საათიან რეჟიმში მუშაობენ. სახელმწიფოს უპირველესი მიზანია დაიცვას საკუთარი მოქალაქეების ჯანმრთელობა და სიცოცხლე. დღეიდან ქვეყნის მასშტაბით უსაფრთხოების ზომები კიდევ უფრო მკაცრდება. კოორდინაციაში ვრჩებით ხელისუფლების ყველა შესაბამის უწყებასთან და ძალისხმევას არ დავიშურებთ, რათა საქართველოს მთავრობის გადაწყვეტილებები მცხეთა-მთიანეთში მაქსიმალურად შესრულდეს“- აღნიშნა შეხვედრაზე მცხეთა-მთიანეთის სახელმწიფო რწმუნებულმა შალვა კერესელიძემ.

კორონავირუსის პრევენციული ღონისძიებების განხორციელების პარალელურად, მცხეთა-მთიანეთში ინფრასტრუქტურული პროექტები შეუფერხებლად მიმდინარეობს. რეგიონის მასშტაბით ჩვეულ რეჟიმში გრძელდება სასოფლო-სამეურნეო სამუშაოებიც.

ავტორი: NS (სტატია დაფინანსებულია),

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა