„თავისი ქმედებებიდან გამომდინარე არიან ჩვეულებრივი მავნებლები“, - ასე ეხმაურება დედაქალაქის მერი კახა კალაძე, ფრაქცია „ნაციონალური მოძრაობის“ განცხადებას, რომლის თანახმადაც საგანგებო მდგომარეობის წესების დარღვევის გამო, დედაქალაქის მერიც უნდა დაჯარიმდეს, რადგან მის მიერ ორგანიზებულ შეკრებაზე 10-ზე მეტი ადამიანი იყო იმყოფებოდა.

კალაძის თქმით, მის მიერ შეკრებილი ყველა ადამიანი წითელი ჯვრის მიერაა გადამზადებული და ყველა მათგანი შესაბამისი საშუალებებითაა აღჭურვილი.

„ის რაც ვნახეთ, მგონი კითხვის ნიშნები არ არსებობს. კითხვის ნიშნები აქვს მხოლოდ „ნაციონალურ მოძრაობას“ და თავისი ქმედებებიდან გამომდინარე არიან ჩვეულებრივი მავნებლები. თუ მართლა კეთილი ზრახვები აქვთ და მართლა უნდათ ხალხს დაეხმარონ, მე არაერთხელ განვაცხადე, რომ ჩვენ მზად ვართ მივიღოთ ყველა ის საშუალებები, პროდუქტები და სხვა. ჩვენ ავიღებთ პასუხისმგებლობას. იქ შეკრებილი ადამიანები, რომელზეც საუბარია, აბსოლუტურად ყველა არის გადამზადებული წითელი ჯვრის მიერ, ყველა არის აღჭურვილი შესაბამისი საშუალებებით და იცავენ უსაფრთხოების წესებს, რათა არ დაიზიანონ თავი და არ დააზიანონ სხვები“, - განაცხადა კახა კალაძემ.

შეგახსენებთ, რომ გუშინ, შინაგან საქმეთა სამინიტროს საპატრულო პოლიციამ საგანგებო მდგომარეობის რეჟიმის დარღვევის გამო ორგანიზაცია „ახალი ლიდერების ინიციატივა“ 15 000 ლარით დააჯარიმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს