2020-03-26 11:00:35, 6253 ნახვა

---

მარინა ეზუგბაია - კორონავირუსით ინფიცირებული 2 ახალი პაციენტიდან ერთის ისტორია ამერიკას, ხოლო მეორის საფრანგეთს უკავშირდება

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული 2 ახალი შემთხვევიდან ერთის ისტორია ამერიკას, ხოლო მეორის - საფრანგეთთანაა დაკავშირებული.

მისი თქმით, ამ დროისთვის თბილისის ინფექციურ საავადმყოფოში 34 პაციენტია მოთავსებული.

„ამ დროისთვის გვაქვს კორონავირუსის 77 დადასტურებული შემთხვევა. აქედან 34 ჩვენთანაა მოთავსებული. 10 იცით, რომ გაწერილია და დანარჩენი 33 განთავსებული არის ხუთ მიმღებ სხვა კლინიკებში. ამ ხუთ მიმღებ კლინიკას კიდევ დაემატა მეექვსე, ზუგდიდის ინფექციური საავადმყოფო და ერთ-ერთი ახალი პაციენტი არის ზუგდიდის საავადმყოფოში, ერთი პაციენტი არის ბათუმში, ერთი გორში და ორი ჩვენთან. ჩვენი 2 ახალი პაციენტიდან ერთის ისტორია ამერიკასთან, ხოლო მეორის - საფრანგეთთანაა დაკავშირებული“, - განაცხადა მარინა ეზუგბაიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი