2020-03-23 12:52:29, 2721 ნახვა

---

ტიკარაძე - დღის ბოლოს ველოდებით სამ პაციენტზე ინფორმაციას და იმედი გვაქვს, რომ ხვალ მათაც ჯანმრთელებს გავწერთ სახლში

საქართველოს ჯანდაცვის მინისტრის, ეკატერინე ტიკარაძის განცხადებით, დღის ბოლოს კორონავირუსზე კიდევ სამი პაციენტის პასუხი გახდება ცნობილი.

მისი თქმით, გამოჯანმრთელებული პაციენტები თვითიზოლაციაში გადავლენ და იქნებიან ექიმების მეთვალყურეობის ქვეშ.

„დღეს ჩვენი ექიმების შრომამ გამოიღო შედეგი და ეს ძალიან სასიხარულო ამბავია როგორც ჩვენთვის, ასევე მოქალაქეებისთვის. 8 პაციენტი უკვე არის გამოჯანმრთელებული, რომელიც დღეს გაეწერება სახლში, მაგრამ მიუხედავად ამისა, ისინი როგორც მითითებულია მსოფლიო ჯანდაცვის ორგანიზაციის რეკომენდაციებში, კიდევ იქნებიან ექიმების დაკვირვების ქვეშ უკვე თვითიზოლაციაში. დღეს, დღის ბოლოს კიდევ ველოდებით დამატებით სამ პაციენტზე ინფორმაციას და ძალიან დიდი იმედი გვაქვს, რომ ამ პაციენტებსაც როგორც ჯანმრთელებს ხვალ უკვე სახლში გავწერთ“, - განაცხადა ეკატერინე ტიკარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი