2020-03-21 13:28:50, 2525 ნახვა

---

რესპუბლიკურ საავადმყოფოში 10 პაციენტს ჩაუტარდა ტესტირება და არც ერთს არ დაუფიქსირდა კორონავირუსით ინფიცირება

რესპუბლიკურ საავადმყოფოში 10 პაციენტს ჩაუტარდა ტესტირება და არც ერთს არ დაუფიქსირდა კორონავირუსით ინფიცირება. ამის შესახებ რესპუბლიკური საავადმყოფოს დირექტორმა ლევან გოფოძემ განაცხადა.

მისი თქმით, რესპუბლიკური საავადმყოფო იქნება ცენტრალური მიმღები ყველა პაციენტისათვის, რომელსაც აქვს გამოვლენილი კორონავირუსის სიმპტომები.

„რესპუბლიკურ საავადმყოფოში ამჟამად 45 პაციენტია დაკვირვების ქვშ, მათი მდგომარეობა ყველასი დამაკმაყოფილებელია. 10 პაციენტს ჩაუტარდა ტესტირება და კიდევ ერთხელ ვიმეორებ, რომ ათივე ტესტი ნეგატივი მოვიდა, ანუ არც ერთს არ აქვს კორონავირუსი. ჩვენი კლინიკიდან ზოგი პაციენტი კარანტინის ზონაში გადაინაცვლებს, ზოგი თვითიზოლაციაში წავა.

რესპუბლიკური საავადმყოფო იქნება ცენტრალური მიმღები ყველა პაციენტისათვის, რომელსაც აქვს გამოვლენილი კორონავირუსის სიმპტომები, ყველა პაციენტს შვენთან მოიყვანს სასწრაფო დახმარების მანქანა, ან საგანგებო სიტუაციების მართვის ცენტრი. მოხდება აქ მათი გამოკვლევა, როგორც კი სწრაფი ტესტი გვექნება, ამის შემდგომ ჩვენვე გადავანაწილებთ კლინიკებში“, - განაცხადა ლევან გოფოძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი