დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსთან დაკავშირებით ეპიდსიტუაცია ყოველდღიურად უარესდება.

მისი თქმით, საქართველოში კორონავირუსული ინფექციის 981 შესაძლო შემთხვევა არსებობდა, საიდანაც ლაბორატორიულად მხოლოდ 40 დადასტურდა.

„გლობალურად ჯერჯერობით ეპიდსიტუაცია უარესდება. დღევანდელი რიცხვით დადასტურებულია 220 ათასი შემთხვევა 176 ქვეყანაში. აქედან ახალ შემთხვევათა რაოდენობა ყოველდღიურად იკლებს ჩინეთში. სერიოზული პოზიტიური ძვრაა სამხრეთ კორეაშიც. ჩინეთს გარეთ მდგომარეობა ყოველდღიურად უარესდება. ამ თვალსაზრისით აღსანიშნავია ევროპა, რომლის ნაწილიც ჩვენც გახლავართ და აქედან გამომდინარე, მეტი სიფხიზლე და მეტი ყურადღება გვჭირდება. ჩინეთის შემდეგ გახლავთ იტალიაში 36 ათასამდე შემთხვევა. შემდეგ მოდის ირანი, ესპანეთი, გერმანია, აშშ, საფრანგეთი და ა.შ.

რაც შეეხება საქართველოს, დღევანდელი დილის მონაცემებით, დაფიქსირებულია 40 ლაბორატორიულად დადასტურებული შემთხვევა კორონავირუსული ინფექციის. 30 იანვრიდან მოყოლებული, ჩვენთან იყო სულ 981 შესაძლო შემთხვევა, საიდანაც ლაბორატორიულად დადასტურდა მხოლოდ 40. შესაძლო შემთხვევა ნიშნავს ისეთი შემთხვევევბი, რომლებიც ჩაღრმავებულ ეპიდემიოლოგიურ და კლინიკურ გამოკვლევებს საჭიროებდა. აქედან მხოლოდ 40 შემთხვევაში დადასტურდა ლაბორატორიულად კორონავირუსული ინფექცია. ყველა ავადმყოფი მოთავსებულია სხვადასხვა საავადმყოფებში. ერთი გახლავთ ბათუმის ინფექციურ საავადმყოფოში, სამი საჩხერის სამედიცინოცენტრის ინფექციურ განყოფილებაში, 2 გახლავთ პირველ საუნივერსიტეტო კლინიკაში, ხოლო ყველა დანამრჩენი თბილისის ინფექციურ საავადმყოფოშია“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში