ლარის კურსის ცვლილების მიუხედავად, პსპ-ს სააფთიაქო ქსელში მედიკამენტებზე ფასები არ გაიზრდება, - ამის შესახებ პსპ-ს განცხადებაშია აღნიშნული.

„ბოლო დროს, ლარის კურსის ცვლილების გამო,   მასობრივი ინფორმაციის საშუალებებში მედიკამენტების ღირებულების სავარაუდო გაზრდაზე გავრცელებულ ინფორმაციასთან დაკავშირებით, ვითვალისწინებთ რა მოსახლეობის მაღალ ინტერეს აღნიშნული საკითხზე, გვსურს სრული პასუხისმგებლობით განვაცხადოთ, რომ  ჩვენს სააფთიაქო ქსელში მედიკამენტების ღირებულება არ გაზრდილა და არც გაიზრდება მომავალში.

აღნიშნული განცხადების გაკეთების საფუძველს გვაძლევს  ის ფაქტი, რომ ჩვენს მიერ ქვეყანაში იმპორტირებული მედიკამენტების უდიდესი ნაწილი შემოდის ევროკავშირის სახელმწიფოებიდან ევროში ანგარიშსწორებით. ლარის კურსი ევროს მიმართ ბოლო პერიოდში მნიშვნელოვნად არ შეცვლილა, რაც განაპირობებს მედიკამენტებზე არსებული ფასების შენარჩუნებას.  აქვე ავღნიშნავთ, რომ   ჩვენი კომპანიის სისტემატური და დიდი ძალისხმევის  შედეგად, აშშ დოლარზე  შესასყიდი მედიკამენტების მწარმეობლებთან მიღწეულ იქნა მნიშვნელოვანი შეთანხმებები მედიკამენტების ფასების შენარჩუნებაზე, ამიტომაც ბოლო დროს განხორციელებული  ლარის კურსის ცვლილება უარყოფითად არ ასახულა  ჩვენს ქსელში არსებულ ფასებზე. პსპ მომავალშიც ეცდება საკუთარ მომხმარებელს შესთავაზოს ყველაზე მაღალი ხარისხის მედიკამენტები ყველაზე დაბალ ფასად“, - ნათქვამია პსპ-ს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში