თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, გუშინ კორონავირუსზე ტესტირება ჩაუტარდა 21 პაციენტს, საიდანაც 15-მა უარყოფითი პასუხი აჩვენა, დანარჩენი 6 კი დღის განმავლობაში გახდება ცნობილი.

მისივე თქმით, კლინიკაში 5 ახალი პაციენტი შევიდა, რომელთაგან ერთ-ერთის მდგომარეობა დანარჩენ ოთხთან შედარებით მძიმეა.

„ამ დროისთვის ჩვენს ცენტრში 46 პაციენტი გადის მკურნალობას. გუშინ აღებულ იქნა ტესტირება 21 პაციენტზე. აქედან უკვე ცნობილია 15 პაციენტის პასუხი, რომ არის უარყოფითი. დანარჩენი 6 პაციენტის ანალიზის აღება მოხდა გვიან და დღეს დღის განმავლობაში იქნება, ამ პაციენტებს შორისაა ჩვენი პირველი პაციენტის ტესტირების პასუხი.

5 პაციენტი შემოვიდა ახალი. დანარჩენი პაციენტების მდგომარეობა უცვლელია. ეს 5 პაციენტი არის საყურადღებო, რაც რა თქმა უნდა, გაგრძელდება. გუშინ შეფასდა მისი კლინიკური მდგომარეობა ლაბორატორიულ მონაცემებთან ერთად და ამ შეფასებით, ერთ-ერთი მათგანის მდგომარეობა შედარებით მძიმეა. შესაძლებელია დადგეს დაავადების პროგრესირება“, - განაცხადა მარიანა ეზუგბაიამ.

ცნობისთვის, ამ დროისთვის საქართველოში კორონავირუსის 30 დადასტურებული შემთხვევაა. კარანტინის რეჟიმში მოთავსებულია 439ადამიანი, ხოლო სტაციონარში მეთვალყურეობის ქვეშ 64 პირი რჩება.

ავტორი: ექსპრესნიუსი,

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა