ირაკლი სესიაშვილი: გომელაური რთულ პერიოდში დაინიშნა

2015-01-26 15:06:36, 849 ნახვა

პოლიტიკა

პარლამენტის თავდაცვისა და უშიშროების კომიტეტის თავჯდომარე ირაკლი სესიაშვილი ვახტანგ გომელაურს გამოცდილ კადრს უწოდებს.
როგორც სესიაშვილმა ჟურნალისტებს განუცხადა, ვახტანგ გომელაური შს სამინისტროში დიდი ხნის განმავლობაში მუშაობდა და დაკისრებულ მოვალეობას თავს კარგად გაართმევს.
„ვულოცავ ვახტანგ გომელაურს. მე მას ეფექტურ საქმიანობას ვუსურვებ. დიდი ხნის განმავლობაში ის შსს–ში მუშაობდა და დარწმუნებული ვარ, თავის მოვალეობას თავს ეფექტურად გაართმევს“, – აღნიშნა სესიაშვილმა.
მისივე შეფასებით, გომელაური მინისტრად რთულ პერიოდში ინიშნება, რადგან ქვეყანას კრიმინალთან ბრძოლის საქმეში ყოველდღიური გამოწვევა აქვს.
„ვახტანგ გომელაური საკმაოდ რთულ პერიოდში დანიშნა. ქვეყანას კრიმინალთან ბრძოლის საქმეში ყოველდღიური გამოწვევა აქვს, სადაც მე მას გამარჯვებას ვუსურვებ“, – განაცხადა ირაკლი სესიაშვილმა.
ცნობისთვის, ვახტანგ გომელაური შს მინისტრად პრემიერ–მინისტრმა ირაკლი ღარიბაშვილმა დღეს წარადგინა. გომელაურმა ალექსანდრე ჭიკაიძე ჩაანაცვლა.