წერეთლის გამზირის მიმდებარე ტერიტორიაზე, ელიავას  ბაზრობასთან ხანძრის ტერიტორია ამ დრომდე გადაკეტილია.

როგორც „ექსპრესნიუსს“ შსს–ს საგანგებო სიტუაციების მართვის სამსახურში განუცხადეს, ტერიტორიას, სადაც გუშინ ხანძარი მოხდა, ალაგებენ. სახანძრო–სამაშველო ჯგუფი კი, უსაფრთხოების მიზნით არის მობილიზებული.

„მივიდნენ ადამიანები, რომლებმაც ტერიტორია უნდა დაალაგონ. მაშველები უსაფრთხოების მიზნით არიან მობილიზებულები, რადგან დალაგების პროცეში რაიმე საფრთხე არ იყოს“, – აცხადებენ საგანგებო სიტუაციების მართვის სამსახურში.

ცნობისთვის, გუშინ, ელიავას ბაზრობაზე ხანძარი საღებავების საწყობს გაუჩნდა. შედეგად 2 ადამიანი დაიღუპა, 5 კი დაშავდა.

ხანძრის ჩასაქრობად, ვერტმფრენის გამოყენებაც გახდა საჭირო.

ამ დროისთვის, საგანგებო სიტუაციების მართვის სამსახურის ინფორმაციით, ხანძარი სრულად ლიკვიდირებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია