ახალი კორონავირუსით ინფიცირებული მამაკაცი სამხრეთ ესპანეთის ერთ-ერთ საავადმყოფოში დაავადებისგან აივ ინფექციის წამლებით განიკურნა. ამის შესახებ ესპანური გამოცემა El Pais-ი იუწყება.
ქალაქ სევილიის ვირხენ-დელ-როსიოს საუნივერსიტეტო საავადმყოფო COVID-19-ის წინააღმდეგ ექსპერიმენტულ სამკურნალო საშუალებებს სცდიდა. ჰოსპიტალის ცნობით, შედეგები საკმაოდ შემაგულიანებელია. El Pais-ის ცნობით, წამალმა წარმატებით განკურნა 62 წლის მიგელ ანხელ ბენიტესი, რომელიც ესპანეთში ახალი კორონავირუსით ინფიცირებული პირველი პაციენტი იყო.

ექსპერტების განცხადებით, მათ გამოიყენეს აივ-შიდსის სამკურნალო მედიკამენტებისა და ანტირეტროვირუსულ საშუალება ლოპინავირ-რიტონავირის კომბინაცია ინტერფერონ ბეტასთან ერთად. ეს უკანასკნელი გახლავთ ცილა, რომელიც უჯრედებს ინფიცირებისგან იცავს.

მადრიდის რამონ-ი-კახალის ინფექციურ დაავადებათა საავადმყოფოს ხელმძღვანელის, სანტიაგო მორენოს განცხადებით, SARS-CoV-2-ის (დაავადება COVID-19-ის გამომწვევი ვირუსის ოფიციალური სახელი) პროტეაზა (ფერმენტების ჯგუფი, რომლებიც მონაწილეობას იღებენ ცილების ან პოლიპეპტიდების დაშლაში) ძალიან ჰგავს აივ ინფექციისას.
ამასთან უფრო ადრე, აივ ინფექციის საწინააღმდეგო პრეპარატებით მკურნალობა ჩინეთშიც დაიწყეს, როგორც ჩინეთის ეროვნული ჯანდაცვის კომისია განმარტავს, ალუვია, რომელიც ლოპინავირისა და რიტონავირის ნაერთია, პაციენტების სამკურნალოდ გამოიყენება.

"როიტერის” ინფორმაციით, კომისია ასევე აცხადებს, რომ ვიდრე კორონავირუსის საწინააღმდეგო ეფექტური ანტი-ვირუსული პრეპარატი შემუშავდება, გარკვეულ პაციენტებზე გაიცემა რეკომენდაციები აღნიშნულ პრეპარატთან დაკავშირებით.

გავრცელებული ცნობით, ამ ეტაპზე, კლინიკური კვლევის შედეგები მედიკამენტის ტესტირების შესახებ უახლოეს ხანებში გახდება ცნობილი.

 მთელ მსოფლიოში, მათ შორის ტაილანდსა და ჩინეთში, ექიმებმა მოსინჯეს აივ ინფექციისა და გრიპის წამლების კომბინაცია.

ამ კვლევათა შედეგების შესახებ ბევრი არაფერია ცნობილი, მაგრამ ნამდვილად არსებობს რამდენიმე მიზეზი, რომელთა გამოც აივ ინფექციის ანტირეტროვირუსული პრეპარატების კვლევა ღირს. აივ-ის მსგავსად, კორონავირუსები რნმ ვირუსებია. წლების წინ, 2002-2004 წლებში, მწვავე რესპირატორული სინდრომის (SARS) ეპიდემიისას, აივ-ის პრეპარატებისა და ანტივირუსული წამლების კომბინაციამ გამოაჯანმრთელა ზოგიერთი პაციენტი. SARS სხვა სახის კორონავირუსით არის გამოწვეული. კვლევის შედეგების ნახვა შესაძლებელია ჟურნალ Thorax-ში.
"წინა კორონავირუსული ეპიდემიებიდან (SARS და MERS) ჩინეთმა ისწავლა ანტირეტროვირუსული და ანტივირუსული მედიკამენტების სხვა მიზნებით გამოყენებაც, გლობალური ჯანდაცვისათვის სახიფათო ამ ახალი ვირუსული დაავადებების ნაწილობრივ სამკურნალოდ“, — ამბობს იელის უნივერსიტეტის საზოგადოებრივი ჯანდაცვის სკოლის მკვლევარი, დოქტორი სტენ ვერმანდი.

ავტორი: ექსპრესნიუსი,

სოციალური ქსელები

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო