ერთი საუკუნის წინ, პირველი მსოფლიო ომის დამთავრებისთანავე ეგრეთწოდებულმა ესპანურმა გრიპმა დაახლოებით 100 მილიონი ადამიანი იმსხვერპლა.
მსოფლიო ჯერ კიდევ არ იყო გამოსული პირველი მსოფლიო ომის შოკიდან, რომელშიც 20 მილიონი ადამიანი დაიღუპა , რომ მას სასიკვდილო დაავადება დაატყდა თავს ეგრეთწოდებული "ისპანკას" სახით. იმ დროინდელ ინფორმაციაზე დაყრდნობით ვირუსი ანტისანიტარიამ, პირველი მსოფლიო ომის დროს სამხედრო და დევნილთა ბანაკების მჭიდრო განლაგებამ გამოიწვია. 
1918 წლის ნოემბერში, როდესაც ომი დამთავრდა ჯარისკაცები სახლებში დაბრუნდნენ, რამაც ვირუსის გავრცელებას შეუწყო ხელი. 
ესპანური გრიპისგან, დაახლოებით 50 - დან 100 მილიონამდე ადამიანი გარდაიცვალა და მიუხედავად იმისა ,რომ ვირუსს ესპანური გრიპი შეარქვეს მისი წარმოშობის კერა შეიძლება ესპანეთი არც იყო. 
​ამის შემდეგ დედამიწამ კიდევ სამი სასიკვდილო ვირუსი გადაიტანა, მაგრამ მსგავსი სიკვდილის მაჩვენებელი არცერთს ჰქონია. "ისპანკით" დაღუპულთა რაოდენობამ დედამიწის მოსახლეობის 2,7 - 5,3 % შეადგინა. 
იმის მიუხედავად, რომ კორონავირუსის აფეთქება არ შეედრება ესპანურ გრიპს, ყოველდღიურად საინფორმაციო აჭრელებულია მასზე სტატიებით . კორონავირუსით გარდაცვლილთა უმეტესობას, პნევმონია დაუდგინდა, რასაც იმუნური სისტემის დაქვეითება იწვევს. ამ ეტაპზე რისკის ქვეშ ასაკოვანი ადამიანები არიან, რომელთაც იმუნური სისტემა სუსტი აქვთ.
"ისპანკას" გავრცელებას ხელი შეუშალა იმ დროისთვის ტრანსპორტით გადაადგილების შეზღუდვამ , ამ მიზეზით ვირუსი საკმაოდ ნელა ვრცელდებოდა სხვა რაიონებში, რამდენიმე რაიონი წლების განმვლობაში ახერხებდა იზოლაციას ინფიცირებული ქვეყნებისგან, მაგრამ ადრე თუ გვიან დედამიწის ყველა წერტილს მოედო. მაგალითად ალიასკამ თვითიზოლაციას ვირუსის გავრცელების პრევენციის მიზნით მიმართა.

ექიმები ესპანურ ვირუსს უდიდეს სამედიცინო კატასტროფას უწოდებენ, რადგანაც უმეტესობა მისი მსხვერპლი ჯანმრთელი და ახალგაზრდა ადამიანები იყვნენ. 
​კორონავირუსის შემთხვევაში განსაკუთრებული რისკის ქვეშ არიან მოხუცები და ქრონიკული დაავადებების მქონე პირები.  ეპიდემიებისგან თავის დაცვის საუკეთესო საშუალება კი ეფექტური ჯანდაცვის პოლიტიკაა.                              

   ესპანური გრიპის პანდემიის დროს მსოფლიო ჯერ კიდევ არ იყო გამოსული ომით გამოწვეული ქაოსიდან სახელმწიფოს რესურსების უმთავრესი ნაწილი სამხედრო მიზნებს ხმარდებოდა და ისეთი მნიშვნელოვანი დარგი როგორიც ჯანდაცვა განუვითარებელი იყო რაც აისახა კიდეც გრიპის შედეგებზე. დაღუპულთა უმრავლესობა ღარიბ რაიონებში ცხოვრობდა. ესპანურმა გრიპმა აიძულა განვითარებული ქვეყნები დაეხვეწათ ჯანდაცვის სფერო მომავალში პანდემიისგან თავის დასაცავად. ხერხები რითიც თავს ვიცავთ დღეს ესპანური ვირუსისგან ნასწავლი მტკივნეული გაკვეთილია.

ავტორი: ექსპრესნიუსი,

სოციალური ქსელები

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო