კრისტინ ლაგარდი, ევროპის ცენტრალური ბანკის პრეზიდენტი, ევროპაში 2008 წლის ფინანსური კრიზისის განმეორებას პროგნოზირებს.

ამის შესახებ ინფორმაციას Bloomberg-ი ავრცელებს.

ლაგარდის თქმით, თუ ევროპაში სახელმწიფოები დროულ ნაბიჯებს არ გადადგამენ კორონავირუსის ზეგავლენის შესამცირებლად, შესაძლოა 2008 წლის მსგავსი კრიზისული მდგომარეობა დადგეს.

ევროპის ცენტრალური ბანკის ხელმძღვანელი აღნიშნავს, რომ კორონავირუსის გამო გაჩენილი რისკების წინააღმდეგ საპასუხოდ უნდა გატარდეს შესაბამისი მონეტარული პოლიტიკა.

სამშაბათს კრისტინ ლაგარდმა კონფერენციაზე საუბრისას ევროკავშირის ლიდერებს განუცხადა, რომ კოორდინირებული მოქმედების გარეშე, ევროპა ”დაინახავს სცენარს, რომელიც ბევრ ჩვენგანს 2008 წლის ფინანსურ კრიზისს შეახსენებს".

ლაგარდი აღნიშნავს, რომ დროულად უნდა გატარდეს შესაბამისი ზომები, რათა კორონავირუსმა ფინანსური სექტორი ნაკლებად დააზარალოს.

მანვე აღნიშნა, რომ შესაბამისი ზომები არ იმუშავებს ისეთ შემთხვევაში, როცა დაზარალებულ რეგიონებში ბანკებს სესხებს არ შეუნარჩუნებენ.

ცნობისთვის, კვირის განმავლობაში ევროპის ცენტრალური ბანკი მონეტარული პოლიტიკის განაკვეთთან დაკავშირებით გადაწყვეტილებას მიიღებს. როგორც ცნობილია, ისინი იმისთვის, რომ საბანკო სისტემის ლიკვიდობა შენარჩუნდეს, მონეტარული განაკვეთის შემცირებას გეგმავენ.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება