შუახევის მუნიციპალიტეტში ,,სოფლის მხარდაჭერის პროგრამის“ ფარგლებში განსახორციელებელი პროექტების შერჩევის მიზნით, ადმინისტრაციული ერთეულების სოფლებში მოსახლეობასთან შეხვედრები დაიწყო.

 პირველი შეხვედრა უჩამბის ადმინისტრაციული ერთეულის სოფლების ლაკლაკეთის, სამოლეთის, კვირიაულის, მოფრინეთის,ცინარეთის მოსახლეობასთან გაიმართა.

 მოსახლეობასთან გამართულ შეხვედრებს შუახევის საკრებულოს თავმჯდომარე გიორგი დავითაძე, საკრებულოს წევრი ედნარ კეჟერაძე და მერიის ეკონომიკის, არქიტექტურისა და ინფრასტრუქტურის სამსახურის წარმომადგენელი რუსლან ბერიძე ესწრებოდნენ. 

 გიორგიი დავითაძემ მოსახლეობას, სოფლის მხარდაჭერის პროგრამის დეტალები, პრიორიტეტები და თანხის განაწილების პრინციპები გააცნო, რის შემდეგ ადგილობრივებმა მათთვის პრობლემური საკითხები განიხილეს და ძირითადი პრიორიტეტები დაასახელეს.

კენჭისყრის შედეგად კვირიაულში და მოფრინეთში რეაბილიტაცია ჩაუტარდება წისქვილებს და მოეწყობა გარე განათება, სამოლეთში სანიაღვრე არხი და გარე განათება დასახელდა, ლაკლაკეთში გზის რეაბილიტაცია და სოფლის ცენტრის კეთილმოწყობა გადაწყვიტეს, ხოლო ცინარეთში სასმელი წყლის რეაბილიტაცია.

 დღესვე ,,სოფლის მხარდაჭერის პროგრამის“ ფარგლებში მოსახლეობასთან შეხვედრები გაიმართა უჩამბის ადმინისტრაციული ერთეულის სხვა სოფლებში და დღვანის ადმინისტრაციულ ერთეულში.

ავტორი: NS (სტატია დაფინანსებულია),

სოციალური ქსელები

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს

ბინადობის უფლებისთვის 3000 ევროს ძალავდნენ- დაკავებულია ორი პირი