2020-03-09 16:35:41, 3656 ნახვა
მსოფლიო
NATO-ს თანამშრომელს კორონავირუსი დაუდგინდა
NATO-ს თანამშრომელს, რომელიც ბრიუსელის ოფისში მუშაობდა, კორონავირუსი დაუდგინდა. ამის შესახებ NATO-ს ოფიციალურ ვებ-გვერდზე გამოქვეყნებულ განცხადებაში ვკითხულობთ.
მათი ინფორმაციით, დაინფიცირებული ჩრდილოეთ იტალიაში იმყოფებოდა და ერთი კვირის წინ დაბრუნდა ბრიუსელში. ის თავს ცუდად გრძნობდა. ვირუსზე ტესტი ჩაუტარდა, რომლის მიხედვითაც დაუდასტურდა კორონავირუსით ინფიცირება.
როგორც განცხადებაში ვკითხულობთ, ორგანიზაციის თანამშრომლებს მაშინვე აცნობეს მომხდარის შესახებ და ისინი უკვე სახლიდან აგრძელებენ მუშაობას.
ავტორი: ექსპრესნიუსი,
epn.ge (@expressnews.ge)
