„ილაპარაკა ყველაფერზე, ფეხბურთზე, შტანგისტებზე, ღვინოზე და არც ერთი სერიოზული საკითხი არ დაუსვამს“, - ასე აფასებს ფრაქცია „ნაციონალური მოძრაობის“ თავმჯდომარე რომან გოცირიძე პარლამენტში სალომე ზურაბიშვილის დღევანდელ მოხსენებას „კურიერთან“ საუბრისას.

მისი თქმით, პრეზიდენტი პოლიტიკურ კრიზისში თავადაა დამნაშავე.

„მარტივად რომ ვთქვათ, ეს იყო წყალწყალა გამოსვლა, რომელიც არ გავდა პრეზიდენტის სიტყვას. ილაპარაკა ყველაფერზე, ფეხბურთზე, შტანგისტებზე, ღვინოზე და არც ერთი სერიოზული საკითხი არ დაუსვამს. მათ შორის, ქვეყანაში არსებულ პოლიტიკურ კრიზისზე. ის, თუ რამ გამოიწვია ეს კრიზისი. ამაში თავადაა დამნაშავე, როდესაც მან დაინახა ცარიელი სკამები და გული დაწყდა რომ ოპოზიცია არ ესწრებოდა. უნდა შევახსენო ქალბატონო სალომეს, რომ ის მსოფლიოში ყველაზე მაღალი ტრიბუნიდან გამოვიდა, გაეროს ტრიბუნიდან და განაცხადა, რომ საქართველო გადადის პროპორციულ საარჩევნო სისტემაზე. სწორედ ამ დიდი ტყუილის გამო, რომელიც ივანიშვილმა ათქმევინა მაღალი ტრიბუნიდან, არის დღეს ოპოზიცია ბოიკოტის რეჟიმში. მან საკმაოდ ცუდი და დამაფიქრებელი განცხადებები გააკეთა. პირველივე მისი გამოსვლა იყოს ის, რომ თურმე ევროკავშირი ინგრევა, მოხდა ბრექსიტი, გავიდა დიდი ბრიტანეთი და ევროკავშირში რაღაც ახალი ცხოვრება იწყება. ქალბატონი სალომეს განსახილველი არ არის ევროკავშირის პრობლემები. დღეს მოვუწოდე მას, რომ ნუ ახსენებს ჩრდილოელ მეგობრებს“, - განაცხადა რომან გოცირიძემ.

შეგახსენებთ, რომ დღეს საქართველოს პრეზიდენტმა, პარლამენტის პლენარულ სხდომაზე ყოველწლიური ანგარიში წარადგინა.

ავტორი: ექსპრესნიუსი,

სოციალური ქსელები

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა

AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა