„ცდილობთ ხალხი ციფრებით თამაშში შეიყვანოთ, ახლა იქამდე მიხვედით, რომ თურმე „ამერიკის ხმამ“ არ იცის ინგლისური და მარტო თქვენ იცით“, - ასე ეხმაურება „ახალი საქართველოს“ ლიდერი გიორგი ვაშაძე პარლამენტის თავმჯდომარის, არჩილ თალაკვაძის განცხადებას, რომ ოპოზიციის დესტრუქციული ნაწილი სხვადასხვაგვარად თარგმნის ამერიკელი კონგრესმენების განცხადებას.

ვაშაძის თქმით, „ქართული ოცნების“ მთავარი მიზანი ოპოზიციური ერთობის დარღვევაა.

„დღეს მოვისმინეთ პარლამენტის თავმჯდომარის განცხადება და აუცილებლად ჩავთვალე გამოვხმაურებოდი ამ განცხადებას. უკვე მერამდენედ ჩანს, რომ „ქართული ოცნების“ ერთადერთი მიზანი არის ოპოზიციის ერთიანობის დარღვევა. რას არ აკეთებენ ამისთვის, მაგრამ ეს არ გამოდის არანაირად. ყოფენ ასეთებად და ისეთებად, ნულ პროცენტიანებად და ბევრ პროცენტიანებად, ნაციონალებად და არანაციონალებად. ათასნაირ ფორმულირებას იგონებენ, მაგრამ ეს კოვზი უკვე ნაცარშია ჩაგდებული და ბევრჯერ ერთი და იგივეს აკეთებენ. თუ ნულ პროცენტიანია ოპოზიცია და არანაირი ძალა არ გვაქვს, მაშინ რატომ გეშინიათ პროპორციული არჩევნების? დანიშნეთ პროპორციული არჩევნები და თქვენ თუ ამხელა მხარდაჭერა გაქვთ, შეგიძლიათ მოიგოთ ნორმალურად არჩევნები. სწორედ იმიტომ, რომ თქვენი ყოველდღიური აქტივობა და კამპანია გაკლებთ მხარდაჭერას საზოგადოების მხრიდან, ყველაფერს ცდილობთ, რომ ეს მაქინაციები ჩაატაროთ. ცდილობთ ხალხი ციფრებით თამაშში შეიყვანოთ. ახლა იქამდე მიხვედით, რომ თურმე „ამერიკის ხმამ“ არ იცის ინგლისური და მარტო თქვენ იცით ინგლისური. სადამდე უნდა წახვიდეთ? სადამდე უნდა დაეცეთ? ჩვენ აბსოლუტურად მშვიდად და გეგმაზომიერად ვიმოქმედებთ. საერთო ოპოზიციური თანამშრომლობის ფორმატს თქვენ ვერაფრით ვერ დაშლით“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა

AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა