„კონგრესმენმა ყველა მხარეს მოუწოდა პასუხისმგებლობა გააცნობიერონ და გადადგან ნაბიჯები შეთანხმებისაკენ“, - ასე გამოეხმაურა პარლამენტის თავმჯდომარე არჩილ თალაკვაძე შეერთებული შტატების კონგრესში, საქართველოს მეგობართა ჯგუფის თანათავმჯდომარის, ადამ კინზინგერის განცხადებას.

მისი თქმით, შეერთებული შტატების კონგრესში ხელისუფლებისა და მათი მეგობრების პოზიცია საერთოა.

„მე მოვისმინე კინზინგერის ინტერვიუ ინგლისურ ენაზე და შემიძლია გითხრათ ის ძირითადი საკითხები, რაც ყველაზე მნიშვნელოვანი იყო. მან თქვა, რომ 2024 წლის არჩევნები საჭიროა დარჩეს პროპორციული და იცით, რომ ჩვენ ეს გადაწყვეტილება მიღებული გვაქვს და უკვე წერია კონსტიტუციაში. მან თქვა, რომ 2020 წლის არჩევნებთან დაკავშირებით უნდა იყოს მიღწეული შეთანხმება. კონგრესმენმა ყველა მხარეს მოუწოდა პასუხისმგებლობა გააცნობიერონ და გადადგან ნაბიჯები შეთანხმებისაკენ. ჩვენ ნაბიჯები გადავდგით ყველა საკითხთან დაკავშირებით, რაზეც იყო ოპოზიციის და ჩვენი პარტნიორების მოთხოვნები. არსებობს კონკრეტული, სამართლიანი შეთავაზებები და პირობები. ამიტომ, რა თქმა უნდა, კონგრესში ჩვენი მეგობრების და ჩვენი პოზიცია არის საერთო, რომ ჩვენ მხარს ვუჭერთ დიალოგს და კიდევ ერთხელ მოვუწოდებთ ოპოზიციას შეთანხმებისკენ“, - განაცხადა არჩილ თალაკვაძემ.

ცნობისთვის,  შეერთებული შტატების კონგრესში, საქართველოს მეგობართა ჯგუფის თანათავმჯდომარე ადამ კინზინგერმა „ამერიკის ხმასთან“ ინტერვიუში განაცხადა, რომ თუ საქართველოში პროპორციულ საარჩევნო სისტემაზე პროგრესი არ მიიღწევა, „რასაც გავაკეთებთ, ბევრისთვის მოულოდნელი იქნება“.

ავტორი: ექსპრესნიუსი,

სოციალური ქსელები

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა

AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა