ბოკუჩავა - სალომე ზურაბიშვილი არის მოსიარულე სკანდალი, რომელიც აზიანებს საქართველოს

2020-03-03 14:03:10, 2152 ნახვა

კომენტარი

„სალომე ზურაბიშვილი არის მოსიარულე სკანდალი, რომელიც აზიანებს საქართველოს საერთაშორისო ასპარეზზე“, - ამის შესახებ „ნაციონალური მოძრაობის“ წევრმა, თინა ბოკუჩავამ განაცხადა.

ბოკუჩავა არ გამორიცხავს, რომ არ გამოიხატება პროტესტი ზურაბიშვილის, როგორც „ნომინალური ფიგურის“ პარლამენტში მისვლის მიმართ.

„ეს ადამიანი ფორმალურადაც კი არანაირ გადაწყვეტლებებს არ იღებს, არის მოსიარულე სკანდალი, რომელიც აზიანებს საქართველოს, განსაკუთრებით საერთაშორისო ასპარეზზე, თუმცა ასევე ძალიან ბევრი სკანდალური რამ უკავშირდება მას ქვეყნის ფარგლებს შიგნით, მაგალითად, როგორიცაა მკვლელების და პედოფილების შეწყალება და ა.შ. იმდენად მინიმალურია სალომე ზურაბიშვილის როლი სახელმწიფო ცხოვრებაში, რომ არ გამოვრიცხავ, პროტესტიც არ გამოვხატოთ ამ ნომინალური ფიგურის პარლამენტში მოსვლის მიმართ“, - განაცხადა ბოკუჩავამ.

ცნობისთვის, ხვალ, 4 მარტს საქართველოს პრეზიდენტი სალომე ზურაბიშვილი პარლამენტს წლიურ ანგარიშს წარუდგენს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან