„რეგიონში არსებული რეალობის გათვალისწინებით ჩვენთვის ევროკავშირისა და საერთაშორისო თანამეგობრობის მხარდაჭერა გადამწყვეტია“, - ამის შესახებ საქართველოს პრემიერ–მინისტრმა ირაკლი ღარიბაშვილმა მთავრობის ადმინისტრაციაში ლიტვის პრემიერთან ალგირდას ბუტკევიჩიუსთან ერთად გამართულ ბრიფინგზე განაცხადა.

მისივე თქმით, ლიტვის პრემიერი საქართველოს ევროპულ მისწრაფებებს მხარს უჭერს.

„შეხვედრაზე საქართველოს ევროკავშირთან ინტეგრაციისა და ნატოში გაწევრიანების პროცესის თაობაზე ვისაუბრეთ. ლიტვის პრემიერს ჩვენი ქვეყნის ევროპული არჩევანისადმი მკვეთრად გამოხატული მხარდაჭერა აქვს “, – განაცხადა  ირაკლი ღარიბაშვილმა.

ღარიბაშვილმა კიდევ ერთხელ აღნიშნა, რომ საქართველო მიმდინარე წლის მაისში დაგეგმილი რიგის სამიტისვის ემზადება და ქვეყნის ამოცნაა,  ამ სამიტზე კონკრეტული შედეგებით წარსდგეს.

„ მინდა კიდევ ერთხელ აღვნიშნო, რომ სერიოზულად ვემზადებით მიმდინარე წლის მაისში დაგეგმილ რიგის სამიტისთვის.  ეს იქნება ძალიან მნიშვნელოვანი ჩვენი ქვეყნისთვის.  ჩვენი ამოცანაა, რომ ამ სამიტზე წავრსდგეთ კონკრეტული შედეგებით და როგორც ევროკავშირის სანდო პარტნიორმა ვაჩვენოთ, რომ საქართველო არის წარმატების მაგალითი. ასევე მე მინდა მადლობა გადავუხადო ლიტვას ნატოს უელსის სამიტზე მიღებული არსებითი პაკეტის განხორციელების პროცესში აქტიური მხარდაჭერისთვის, ეს მართლაც თვალსაჩინო იყო ყველასთვის“, – აღნიშნა საქართველოს პრემიერმა.

მისივე ინფორმაციით შეხვედრაზე მხარეებმა საქართველოს ოკუპირებულ ტერიტორიებზე და რეგიონში შექმნილი ვითარების თაობაზე იმსჯელეს.

„მინდა აღვნიშნო, რომ რეგიონში არსებული რეალობის გათვალისწინებით, ჩვენთვის  ევროკავშირისა და საერთაშორისო თანამეგობრობის მხარდაჭერა გადამწყვეტია“, – განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში