მღებრიშვილი მოსამართლის განცხადებაზე: არავის შემოძახილი არ მჭირდება

2015-07-30 15:21:48, 403 ნახვა

პოლიტიკა

სასჯელაღსრულებისა და პრობაციის მინისტრის გიორგი მღებრიშვილის განცხადებით, საპატიმრო ადგილებში ყველა ბრალდებულისა და მსჯავრდებულის უფლება დაცულია.

როგორც მღებრიშვილმა ჟურნალისტებს განუცხადა, ბრალდებულისა და მსჯავრდებულების უფლებას პირველ რიგში თავად იცავს და ამ საკითხთან დაკავშირებით მას შენიშვნა არავისგან არ სჭირდება.

„ყველა ბრალდებულისა და მსჯავრდებულის უფლებები საპატიმრო ადგილებში არის დაცული, ამას სრული პასუხისმგებლობით ვაცხადებ. არავის შემოძახილი არ მჭირდება, მე იქ იმისთვის ვარ, რომ დავიცვა მათი უფლებები. არავის შენიშვნა არ მჭირდება, პირველი, თუ ვინმე იცავს მათ უფლებებს, ეს ვარ მე“, - განაცხადა გიორგი მღებრიშვილმა.

ცნობისთვის, ირაკლი ფირცხალავამ და მასთან ერთად ბრალდებულებმა განაცხადეს, რომ ცუდ პირობებში იმყოფებიან. მოსამართლემ სასჯელაღსრულებისა და პრობაციის მინისტრს მოუწოდა, რომ მათ ყურადღება მიაქციონ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან