2020-02-06 01:56:50, 4988 ნახვა
მსოფლიო
დონალდ ტრამპის იმპიჩმენტი არ მოხდება - სენატმა პრეზიდენტი გაამართლა
აშშ-ს სენატმა პრეზიდენტი დონალდ ტრამპი წარდგენილ ორივე ბრალში გაამართლა. აქედან გამომდინარე იმპიჩმენტი გამოცხადებული არ იქნება და ტრამპი ვადის ამოწურვამდე აშშ-ს პრეზიდენტი იქნება.
სენატი დონალდ ტრამპის წინააღმდეგ იმპიჩმენტის ორ მუხლს თითქმის ორი კვირა განიხილავდა. . ესენია: ძალაუფლების ბოროტად გამოყენება პირადი პოლიტიკური მოგების მიზნით და კონგრესის იმპიჩმენტის გამოძიებისთვის ხელის შეშლა (ობსტრუქცია).
სენატში "დემოკრატიული პარტიის" წარმომადგენლებმა არაერთხელ მოითხოვეს, მოწმეთა გამოძახება და დაკითხვა, თუმცა სენატმა, რომლის უმრავლესობასაც "რესპუბლიკური პარტიის" წარმომადგენლები შეადგენენ, ამ მოთხოვნას მხარი არ დაუჭირეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
