ამერიკული კომპანია „APPLE“-ის გადაწყვეტილებით, კორონავირუსის გამო, ჩინეთის ყველა ოფიციალური მაღაზია და კორპორაციის ოფისი 9 თებერვლამდე დაიხურება.

აღნიშნულის შესახებ ინფორმაციას „APPLE“ -ის წარმომადგენელი „ტვიტერის“ სოციალურ ქსელში ავრცელებს.

კორონავირუსის ფართომასშტაბიანი გავრცელების გამო, კომპანია მათი მომსახურე პერსონალისა და მომხმარებელთა უსაფრთხოებას უზრუნველყოფს.

 „ჩინეთში ბოლო დროს განვითარებული მოვლენების გამო, ჩვენი ომბუდსმენისა და ექსპერტების რჩევით დროებით ვხურავთ მაღაზიებს, კორპორატიულ ოფისებსა და საკონტაქტო ცენტრებს. თუმცა, შეგახსენებთ რომ ონლაინ მაღაზიები ჩვეულებრივ გააგრძლებენ მუშაობას. ჩვენ ყურადღებით გავაგრძელებთ  დაკვირვებას არსებულ სიტუაციაზე და ვიმედოვნებთ, რომ მალე განვაახლებთ მუშაობას“, -  ინფორმაციას  ეფლის წარმომადგენელი ტვიტერზე  ავრცელებს.

შეგახსენებთ, რომ „APPLE” ძალზე დამოკიდებულია ჩინურ ბაზარსა და მუშახელზე, წარმოებასა და მიწოდების ქსელზე. Apple– ის აღმასრულებელმა დირექტორმა ტიმ კუკმა თქვა, რომ კომპანია შეიმუშავებს კონკრეტულ გეგმებს, რათა გაუმკლავდეს ვუჰანში შექმნილი ვითარების გამო მისი კომპანიისთვის მოსალოდნელი ზარალს, რომელიც მინიმუმამდე იქნება შემცირებული.

ავტორი: ექსპრესნიუსი,

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას