2020-01-31 13:48:47, 2089 ნახვა

---

ბაქრაძე ევროსაბჭოს რეზოლუციაზე - დოკუმენტი იმპერატიულად მოითხოვს 2020 წლის არჩევნების ოპოზიციასთან შეთანხმებული საარჩევნო სისტემით ჩატარებას

„ეს დოკუმენტი იმპერატიულად მოითხოვს, რომ 2020 წლის არჩევნები ჩატარდეს ოპოზიციასთან შეთანხმებული და მისთვის მისაღები საარჩევნო სისტემით“, - ამის შესახებ „ევროპული საქართველოს“ წევრმა დავით ბაქრაძემ განაცხადა.

ბაქრაძე აღნიშნავს, რომ მონიტორინგის კომიტეტის მიერ მიღებული დოკუმენტი  „ქართული ოცნებისთვის“ კიდევ ერთი საერთაშორისო დარტყმაა.

„ის დოკუმენტი, რომელიც დღეს მიიღო მონიტორინგის კომიტეტმა, არის კიდევ ერთი ძალიან მძიმე საერთაშორისო დარტყმა „ქართული ოცნებისთვის“. დოკუმენტში პირდაპირ არის დაგმობილი პროპორციული საარჩევნო სისტემის ჩაგდება, პირდაპირ არის დაგმობილი საპრეზიდენტო არჩევნების დარღვევების არ გამოძიება, მაგრამ რაც ყველაზე მთავარი და ყველაზე მძიმეა ხელისუფლებისთვის, ეს დოკუმენტი იმპერატიულად მოითხოვს, რომ 2020 წლის არჩევნები ჩატარდეს ოპოზიციასთან შეთანხმებული და მისთვის მისაღები საარჩევნო სისტემით. ეს არის ძალიან მძიმე ჩანაწერი ხელისუფლებისთვის, რომელიც დღემდე თავს არიდებს ოპოზიციასთან შეთანხმებას“, - განაცხადა დავით ბაქრაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი