„ჩვენ გვყავს რუსეთის გავლენის აგენტი საქართველოში“- ასე აფასებს  „ახალი საქართველოს“ ლიდერი გიორგი ვაშაძე საქართველოს პრეზიდენტის, სალომე ზურაბიშვილის სტრასბურგში, ევროპის საბჭოს საპარლამენტო ასამბლეაზე სიტყვით გამოსვლას.

მისი თქმით, ზურაბიშვილი საქართველოს ეროვნული უსაფრთხოებითვის საფრთხეს წარმოადგენს და მან ვადაზე ადრე უნდა დაასრულოს პრეზიდენტობა. 

„მრცხვენია, მიუხედავად იმისა, რომ ვფიქრობ, ყველაფერი გავაკეთე, მაინც ვგრძნობ პასუხისმგებლობას, რომ ამ ქალბატონს საქართველოს პრეზიდენტი ჰქვია. იმედი მაქვს, პასუხისმგებლობას გრძნობს ყველა ადამიანი, ვინც დაშინებით, იძულებით თუ თავისი ნებით მხარი დაუჭირა სალომე ზურაბიშვილს. სირცხვილია და მე ვფიქრობ, რომ ვადაზე ადრე უნდა დაასრულოს მან საპრეზიდენტო სტატუსი, რადგან ეს არის საფრთხე საქართველოს ეროვნული უსაფრთხოებისთვის. ჩვენ გვყავს რუსეთის გავლენის აგენტი საქართველოში, ეს ცალსახაა, ფაქტია და უკვე დადასტურებულია“, - განაცხადა გიორგი ვაშაძემ.

შეგახსენებთ, რომ სალომე ზურაბიშვილი გუშინ, ევროპის საბჭოს საპარლამენტო ასამბლეაზე სიტყვით გამოვიდა. როგორც მან სიტყვით გამოსვლისას განაცხადა, საქართველო მზადაა უმასპინძლოს რუსეთის დელეგაციას ევროსაბჭოს საპარლამენტო ასამბლეაზე, რომელიც მაისში თბილისში გაიმართება. მისივე თქმით, მიუხედავად იმისა, რომ დელეგაციის წევრებს დარღვეული აქვთ საქართველოს კანონი ოკუპირებული ტერიტორიების შესახებ, ქვეყანა მათ მაინც მიიღებს.  

ავტორი: ექსპრესნიუსი,

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა