„ჩვენთვის საყურადღებოა ერთეული კონგრესმენების წერილები, თუმცა ეს არ ნიშნავს, რომ „ქართული ოცნება“ კარგავს მხარაჭერას“, - ამის შესახებ, ინფრასტრუქტურისა და რეგიონული განვითარების მინისტრმა მაია ცქიტიშვილმა ჟურნალისტებთან საუბრისას განაცხადა.

როგორც ცქიტიშვილმა აღნიშნა, მთავრობის თითოეული ქმედება, საშინაო თუ საგარეო პოლიტიკაში ემსახურება დემოკატიული პროცესების განვითარებას.

ჩვენთვის საყურადღებოა თუნდაც ერთეული კონგრესმენების წერილები, თუმცა ეს არ ნიშნავს რომ „ქართული ოცნება“,  მმართველი ძალა კარგავს მხარდაჭერას, ვინაიდან ყველა ჩვენი ქმედება, რომელსაც ჩვენ ვახორციელებთ ყოველდღიურ რეჟიმში, იქნება ეს საგარეო ურთიერთობების ნაწილში თუ შიდა პოლიტიკურ ნაწილში, ემსახურება პირველ რიგში დემოკრატიული პროცესებისა და იმ ურთიერთობების განვითარებას, რომელიც ჩვენ ჩვენ პარტნიორებთან გვაქვს“, - განაცხადა მაია ცქიტიშვილმა.

ჟურნალისტის შეკითხვაზე, შეუქმნის თუ არა კონგრესმენების წერილები პრობლემას მმართველ გუნდს, ცქიტიშვილმა აღნიშნა, რომ გამორიცხავს ნებისმიერი სახის პრობლემას, ე.წ სანქციებსა და სადამსჯელო ღონისძიებებს.

მისივე თქმით, ამაზე აპელირებს ოპოზიცია და ხელისუფლება გააგრძელებს თითოეული კონგრესმენისთვის რეალური ინფორმაციის მიწოდებას.

„კონგრესმენების წერილთან დაკავშირებით, რა თქმა უნდა, გამოვრიცხავ ნებისმიერი სახის პრობლემებს, ე.წ სანქციებს ან რაიმე სახის დამსჯელ ღონისძიებებს, რომელზეც ოპოზიცია აპელირებს და ცდილობს, რომ ოპოზიციამ შექმნას ეს დღის წესრიგი. სინამდვილეში ეს არ არის და ჩვენ გავაგრძელებთ თითოეულ კონგრესმენთან და წარმომადგენელთან რეალური ინფორმაციის მიწორდებას“, - აღნიშნა ცქიტიშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა