2020-01-28 10:26:18, 4930 ნახვა
მსოფლიო
ჩინეთში, კორონავირუსით გარდაცვლილთა რაოდენობა 106-მდე გაიზარდა, ხოლო ინფიცირებულთა რაოდენობა გაორმაგდა
ჩინეთში კორონავირუსით გარდაცვლილთა რიცხვმა 106-ს მიაღწია. „ბიბისის“ ინფორმაციით, ბოლო 24 საათში ინფიცირებულთა რაოდენობა თითქმის გაორმაგდა და კორონავირუსი 4 515 ადამიანს აქვს. ჩინეთის მთავრობის მონაცემებით, 976 ადამიანის ჯანმრთელობის მდგომარეობა კრიტიკულია.
ჩინეთის ხელისულებამ, ვირუსის გავრცელების პრევენციის მიზნით მგზავრობაზე დამატებითი შეზღუდვები დააწესა.
ჩინეთის მთავრობას, ამ დრომდე არ შეუმუშავებია უცხო ქვეყნის მოქალაქეების გაყვანის გეგმა ხუბეის პროვინციიდან, რომელიც ინფექციის გავრცელების ეპიცენტრია.
ჯანდაცვის მსოფლიო ორგანიზაციის მონაცემებით, ჩინეთის გარეთ ახალი ტიპის ორონავირუსით დაინფიცირებით 47 შემთხვევა დადასტურდა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
