„ევროკავშირთან თავისუფალი სავაჭრო ხელშეკრულების იმპლემენტაციის ერთ-ერთი მნიშვნელოვანი ფაქტორია ისეთი პლატფორმების არსებობა, როგორიც არის  ევროკავშირი-საქართველოს ბიზნესსაბჭო,  რომელიც, წლების განმავლობაში, ძალიან წარმატებულად  მუშაობს ქართული და ევროპული ბიზნესის დაახლოებასა და ინტეგრაციაზე“, - ამის შესახებ ჟურნალისტებთან ეკონომიკისა და მდგრადი განვითარების მინისტრის მოადგილემ, ირაკლი ნადარეიშვილმა განაცხადა, რომელიც „თბილისი მარიოტში" ევროკავშირი-საქართველოს ბიზნესსაბჭოს წევრთა წლიურ კრებას დაესწრო.

მისი შეფასებით, უკვე 800-ზე მეტი ქართული კომპანია ახორციელებს ექსპორტს ევროკავშირში, რაც არის მნიშვნელოვანი მიღწევა. „ბოლო მონაცემებით, ქართული ექსპორტი ევროკავშირის ქვეყნებში 13 პროცენტით გაზრდილი, ხოლო 2014 წლიდან, როდესაც გაფორმდა თავისუფალი ვაჭრობის ხელშეკრულება, ჯამურად ქართული ექსპორტიორი კომპანიების რაოდენობა 44 პროცენტით გაიზარდა" - აღნიშნა მინისტრის მოადგილემ.

ირაკლი ნადარეიშვილმა ხაზი გაუსვა ამ მიმართულებით სახელმწიფოს როლსა და აქტივობას. „მნიშვნელოვანია, რომ DCFTA-ს ფარგლებში 125-ზე მეტი ევროდირექტივის აპროქსიმაცია მოხდა, რაც უზრუნველყოფს იმას, რომ ქართულმა ბიზნესმა და სახელმწიფომ უფრო მეტი სარგებელი მიიღოს ევროკავშირთან ღრმა და ყოვლისმომცველი თავისუფალი სავაჭრო ურთიერთობებიდან" - განაცხადა ეკონომიკისა და მდგრადი განვითარების მინისტრის მოადგილემ.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა