2020-01-08 14:35:42, 2779 ნახვა
მსოფლიო
ავსტრალიაში ხანძრის განზრახ გაჩენის საქმეზე 24 პირს ბრალდება წარუდგინეს
ახალი სამხრეთ უელსის შტატის პოლიციამ, 24 პირს ავსტრალიაში ხანძრის განზრახ გაჩენის ბრალდება წაუყენა. აღნიშნულ ინფორმაციას CNN ავრცელებს.
8 ნოემბერს შტატის პოლიციამ გამოძიება დაიწყო და მის ფარგლებში 183 ადამიანის წინააღმდეგ, რომელთა შორის 40 არასრულწლოვანია,მოქმედებები განახორციელა.
183 ბრალდებულიდან, ნაწილს გაფრთხილება მიეცა, ნაწილს კი სისხლის სამართლის პასუხისმგებაში მიცემა ემუქრება.
შეგახსენებთ, რომ ავსტრალიის ტყეებში ხანძარი ნოემბერში გაჩნდა. ხანძრის შედეგად დაიწვა მილიონობით ჰექტარი მიწა და ათასზდე მეტი სახლი განადგურდა. სტიქიას 24 ადამიანი და ნახევარი მილიარდი ცხოველი ემსხვერპლა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
