„ცოტნე გამსახურდიას ზოგადი ჯანმრთელობის მდგომარეობა სტაბილურად მძიმე რჩება“, - ამის შესახებ ხეჩინაშვილის კლინიკის რეანიმაციის განყოფილების მორიგე ექიმმა, ნინო ბურდულმა ჟურნალისტებს განუცხადა.

ექიმის თქმით, გამსახურდია მართვით სუნთქვაზე რჩება და ამ ეტაპისთვის ქირურგიული ჩარევა არ იგეგმება.

„პაციენტის ზოგადი მდგომარეობა ამ ეტაპისთვის რჩება მძიმე, მართვით სუნთქვაზე რჩება სამკურნალო დაცვითი ნარკოზით. ღამის განმავლობაში გართულებები არ ყოფილა. არსებითი ცვლილებები არ გახლავთ და რჩება დაახლოებით ისეთივე სიმძიმის პაციენტად, როგორიც იყო წინა ეტაპზე. ქირურგიული ჩარევა ამ ეტაპისთვის არ იგეგმება, ჩატარებული ქირურგიული ჩარევების ეფექტი დამაკმაყოფილებელია“, - განაცხადა ნინო ბურდულმა.

შეგახსენებთ, რომ ცოტნე გამსახურდია 19 ნოემბერს დაჭრეს. სამართალდამცავმა ორგანოებმა გამსახურდიას განზრახ მკვლელობის მცდელობის ბრალდებით 1 პირი დააკავეს, დანაშაულის შეუტყობინებლობის ბრალდებით კი 4 პირია დაკავებული.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროპელთა 70%-ზე მეტს ევროკავშირში საკუთარი არმიის შექმნა სურს

მოსკოვში აფეთქებული ყოფილი უკრაინელი ჩინოვნიკი რუსეთის დაზვერვის ოფიცერი აღმოჩნდა

კოალიცია: პარლამენტში მედიის საქმიანობის შეზღუდვა დამოუკიდებელი მედიის წინააღმდეგ მიმდინარე რეპრესიული პოლიტიკის გაგრძელებაა

Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს