სახელმწიფო ცერემონიების სასახლეში გამართულ 100 დღის ანგარიშზე  საქართველოს თავდაცვის მინისტრმა თავდაცვის ძალებში არსებულ ინფრასტრუქტურულ პრობლემებზე და შესაბამის მყისიერ რეაგირებაზე გაამახვილა ყურადღება.

როგორც ირაკლი ღარიბაშვილმა აღნიშნა, 100 დღის განმავლობაში თავდაცვის უწყების ხელმძღვანელობამ  მნიშვნელოვანი ნაბიჯები გადადგა და საფუძველი ჩაუყარა ახალ ხედვას, ახალ პოლიტიკას, რომელიც არსებითად გააუმჯობესებს ჯარისკაცების საყოფაცხოვრებო პირობებს.

„ამ მიზნით ჩვენ ძირეული და კომპლექსური მიდგომა ჩამოვაყალიბებთ.  2019 წელთან შედარებით ინფრასტრუქტურულ პროექტებზე, თითქმის 4-ჯერ მეტს - 100 მილიონ ლარს დავხარჯავთ, რაც გააუმჯობესებს და ნატოს წამყვანი ქვეყნების სტანდარტს გაუთანაბრებს ჩვენი ჯარის ინფრასტრუქტურას. ჩვენი ჯარისკაცები სამხედრო ნაწილებში თანამედროვე პირობებში იმსახურებენ ცხოვრებას. 2020 წელს მოხდება ყველა მოქმედი ყაზარმის და სასადილოს, 250-მდე ობიექტის სრული რეაბილიტაცია. ჩვენ ვიზრუნებთ ჯარისკაცებისთვის ახალი სპორტული ინფრასტრუქტურის მოწყობაზე, რაც მათთვის ვარჯიშსა  და დასვენების ახალ შესაძლებლობას შექმნის“, - განაცხადა თავდაცვის მინისტრმა.

ანგარიშის წარდგენისას ირაკლი ღარიბაშვილმა ყურადღება გაამახვილა სამხედრო ბაზების ფუნქციონირებისათვის ძალზე მნიშვნელოვან - შიდა ინფრასტრუქტურის მოწესრიგების საკითხზე. „წლების განმავლობაში ეს მოუგვარებელი პრობლემა იყო და გამოწვევად რჩებოდა. მნიშვნელოვანი იყო ნატოს და ევროკავშირის სტანდარტის შემოღება. ამიტომ, სამინისტროში ჩვენ ჩამოვაყალიბეთ სტანდარტიზაციისა და ხარისხის კონტროლის დეპარტამენტი“, - აღნიშნა ირაკლი ღარიბაშვილმა.

ავტორი: NS (სტატია დაფინანსებულია),

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ