„2020 წელი ჩვენ გამოვაცხადეთ ჯარისკაცებზე ზრუნვის წლად. ჩემი ხედვა ეფუძნება მხოლოდ ჯარისკაცების კეთილდღეობას - ჯერ ჯარისკაცი და შემდეგ ყველაფერი დანარჩენი“, - განაცხადა ირაკლი ღარიბაშვილმა „თავდაცვის მინისტრის 100 დღის ანგარიშის“ წარდგენისას. 

„ჩვენ ყველანი ვთანხმდებით, რომ ის, ვინც იცავს ქვეყანას, იმსახურებს განსაკუთრებულ პატივისცემას. ძლიერი ჯარი არის ძლიერი სახელმწიფოს საფუძველი“, - განაცხადა ირაკლი ღარიბაშვილმა. მისი თქმით, თავდაცვის უწყების წარმომადგენლებსა და საერთაშორისო თანამეგობრობასთან ერთად, მაქსიმალურად ძლიერი, ქმედითი და ნატოსთან თავსებადი თავდაცვის ძალების შექმნის მიზნით სამინისტროს უმთავრეს პრიორიტეტებად განისაზღვრა ნატოს სტანდარტებით თავდაცვის ძალების მზადყოფნის ამაღლება და ჯარისკაცების სათანადო დაფასება. 

მინისტრმა ხაზგასმით აღნიშნა ნატოს გენერალური მდივნის, ალიანსის წევრი და პარტნიორი ქვეყნების მინისტრების, ასევე აშშ-ის ოფიციალური წარმომადგენლების შეფასებები, რომლის მიხედვითაც ქართველი ჯარისკაცების პროფესიონალიზმი და სიმამაცე საყოველთაოდ აღიარებულია. „ჩვენი ჯარისკაცები ქვეყნის ღირსეული ელჩები არიან და ღირსეულად იცავენ მშვიდობას ქვეყნის შიგნით და მის ფარგლებს გარეთ“, - აღნიშნა ირაკლი ღარიბაშვილმა. მისი განცხადებით, ამ 100 დღის განმავლობაში, უკვე გადაიდგა ნაბიჯები ჯარისკაცების საყოფაცხოვრებო და სოციალური პირობების გასაუმჯობესებლად. 

ავტორი: NS (სტატია დაფინანსებულია),

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა