„ვითხოვთ პრემიერ-მინისტრთან შეხვედრას, რათა მან დააკორექტიროს ყველაფერი, შეიყვანოს საკოორდინაციო საბჭოში უწყებები,“, - ამის შესახებ ექიმ ვაჟა გაფრინდაშვილის მეუღლემ თამილა ლაფანაშვილმა განაცხადა.

მისი თქმით, ის ნაბიჯები, რომლებსაც სახელმწიფო სტრუქტურები და საერთაშორისო ორგანიზაციები  ექიმის გასათავისუფლებლად დგამდნენ საკმარისი არ არის.

„საჭიროა, შეიქმნას უწყებათაშორისი კომისია, რომელშიც უნდა შევიდნენ ჩვენი ოჯახის წევრებიც. პირველად ვითხოვთ პრემიერ-მინისტრთან შეხვედრას, რათა მან დააკორექტიროს ყველაფერი, შეიყვანოს საკოორდინაციო საბჭოში უწყებები, რომელთაც ხელეწიფებათ ამ საკითხის გადაწყვეტა.

ის, რაც ხდება დღევანდელ დღეს და არის საზეიმო განწყობა, ნამდვილად საზეიმოა და ვულოცავ მთელ საქართველოს. მაგრამ ამ პირობებში, როდესაც ტყვე ჰყავს ცხინვალის ციხეში გამოკეტილი ვფიქრობ, რომ ცოტა ჩრდილავს ეს ამ საზეიმო განწყობას. მეგონა პროვოკატორებს უფრო ადრე დაგვიძახებდნენ. ეტყობა, რომ ახლა უკვე ამის ნება მისცეს ვიღაცეებმა. საქვეყნოდ გამოფინეს ეს ყველაფერი. რაც უფრო დიდხანს დარჩება ვაჟა ტყვეობაში, მით უფრო ნათლად და უკეთესად გაიშიფრება ყველა. ეს აჩვენებს, რომ ის ნაბიჯები და მოქმედებები, რომელსაც აქამდე დგავდა სახელმწიფო სტრუქტურები და საერთაშორისო ორგანიზაციები არ არის საკმარისი“, - ამბობს თამილა ლაფანაშვილი.

შეგახსენებთ, რომ ვაჟა გაფრინდაშვილი საოკუპაციო ძალებმა ე.წ. საზღვრის უკანონო გადაკვეთის ბრალდებით 9 ნოემბერს დააკავეს. ცხინვალის რეჟიმმა მას ორთვიანი წინასწარი პატიმრობა შეუფარდა.

ავტორი: ექსპრესნიუსი,

სოციალური ქსელები

კოალიცია: პარლამენტში მედიის საქმიანობის შეზღუდვა დამოუკიდებელი მედიის წინააღმდეგ მიმდინარე რეპრესიული პოლიტიკის გაგრძელებაა

Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს

მიხეილ სააკაშვილი - უკაცრავად და, ვის მიერ ჩადენილ დანაშაულს აღიარებთ, როგორც ფაქტს

40-მდე ქვეყანამ და საქართველომ ევროპული უსაფრთხოების დეკლარაციას მოაწერეს ხელი