„ჩვენ მივიღეთ ზუსტად ისეთი გადაწყვეტილება, რომელიც ყველაზე მეტად წაადგება უზენაესი სასამართლოს მიუკერძოებელ და გამართულ ფუნქციონირებას“, - ამის შესახებ პარლამენტის ყოფილმა თავმჯდომარემ, ირაკლი კობახიძემ განაცხადა.

„მე მანამდეც ვთქვი, რომ არ იყო იდეალური კანდიდატების ნაწილის კვალიფიკაციური მახასიათებლები, რაც ჩვენ ვიხილეთ თუნდაც ინტერვიუების დროს პარლამენტში, თუმცა მთლიანობაში ჩვენ თითოეულ კანდიდატთან დაკავშირებით მივიღეთ მაქსიმალურად დაბალანსებული გადაწყვეტილება. თქვენ გახსოვთ ე.წ. „კლანის სია“ , რომელიც იყო წარმოდგენილი შარშან დეკემბერში, რასთან დაკავშირებითაც იყო ვნებათაღელვა, მაშინ იყო 10 კანდიდატი წარმოდგენილი, თქვენ ნახეთ, რომ ამ 10 კანდიდატიდან მხოლოდ 3 დამტკიცდა დღეს 14-დან საქართველოს პარლამენტის მიერ. შესაბამისად, ეს ყველაფერი მიუთითებს იმაზე რომ არის მაქსიმალურად დაბალანსებული  ყველა კუთხით, გადაწყვეტილება, არავითარ კლანებზე აქ არ არის საუბარი, ჩვენ მივიღეთ ზუსტად ისეთი გადაწყვეტილება, რომელიც ყველაზე მეტად წაადგება უზენაესი სასამართლოს მიუკერძოებელ და გამართულ ფუნქციონირებას“,- განაცხადა კობახიძემ.

შეგახსენებთ, დღეს საქართველოს პარლამენტმა უზენაესი სასამართლოს მოსამართლის თანამდებობაზე წარმოდგენილი 20 კანდიდატიდან 14-ს მხარი დაუჭირა.

ავტორი: ექსპრესნიუსი,

სოციალური ქსელები

გიორგი ჩიკვაიძე მიხეილ სააკაშვილს პასუხობს

ურსულა ფონ დერ ლაიენი - რუსეთი მის მიერ დაწყებულ ომში მარცხდება

ადმინისტრაცია: კობახიძე მაკრონმა პარიზში, კოსმოსის საკითხებზე დაგეგმილ პირველ საერთაშორისო სამიტზე მიიწვია

ბათუმში, ე.წ. ოცნების ქალაქში ხანძარია