„ხელისუფლების მხრიდან გაკეთებული ეკლსიისა და პატრიარქის მხარდამჭერი განცხადებები წინასაარჩევნო თვალთმაქცობაა“, - ამის შესახებ დეპუტატმა ალექსანდრე ერქვანიამ პარლამენტის პლენარულ სხდომაზე განაცხადა.

როგორც მან აღნიშნა, „ქართული ოცნების“ თავმჯდომარე ბიძინა ივანიშვილმა მოითხოვა, ეკლესიაში არსებულ თემებს ტაბუ მოხსნოდა და საზოგადოებისათვის პატრიარქის კრიტიკა მისაღები გამხდარიყო.

„ხალხის უმეტესობა მომავალზე ხელჩაქნეულია, ყველგან სერიზული პრობლემები და სტაგნაციაა. ქვეყანაში ყოველდღიურად ღრმავდება პოლიტიკური და ეკონომიკური კრიზისი. სრული ქაოსი და გაურკვევლობაა. მიმდინარეობს ბრძოლა მხოლოდ ძალაუფლებისთვის  და პირადი კეთილდღეობისთვის.  ქვეყნისთვის ყველაზე დამანგრეველი კი ეკლესიის წინააღმდეგ მიმდინარე ბრძოლაა. სამწუხაროდ ხელისუფლების დუმილმა, უმოქმედობამ და ზოგიერთების მხრიდან ფარულმა მხარდაჭერამ ხელი შეუწყო ეკლესიისადმი მტრულად განწყობილ ძალებს წლების განმავლობაში ეწარმოებინათ ბრძოლა ეკლესიისა და პატრიარქის წინააღმდეგ. ამიტომ დღეს, ხელისუფლების მხრიდან გაკეთებული ეკლსიისა და პატრიარქის მხარდამჭერი განცხადებები წინასაარჩევნო თვალთმაქცობაა. "ქართული ოცნების" თავმჯდომარემ მოითხოვა ეკლესიაში არსებულ თემებს ტაბუ მოხსნოდა და საზოგადოებისათვის პატრიატქის კრიტიკა მისაღები გამხდარიყო. უმრავლესობამ სხვადასხვა თანამდებობებზე ეკლესიისა და პატრიარქის მოძულეები აირჩია. ხელისუფლებამ ღირსებისა და ზნეობის  დამცველები ბნელებად და მარგინალებად შერაცხა და ქვეყანაში მიმდინარე უზნეო და გარყვნილი ცხოვრების პროპაგანდას მხარდაჭერა გამოუცხადა. სადღეგრძელოებში გამოხატული ღვთის სიყვარული და პატრიარქის პატივისცემა, დღესასწაულებზე, კამერების წინ ეკლესიებში კელაპტრებით დგომა ფარისევლობაა. რწმენა მკვდარია საქმის გარეშე, ორი ბატონის მსახურება კი, შეუძლებელია“,- განაცხადა ალექსანრე ერქვანიამ.

ცნობისთვის, ალექსანდრე ერქვანიამ დღეს საპარლამენტო უმრავლესობა დატოვა. დეპუტატმა გადაწყვეტილება ბოლო დროს განვითარებულ მოვლენებს დაუკავშირა, მათ შორის, სწორედ საპატრიარქოში მომხდარ სკანდალურ ამბებს.

ავტორი: ექსპრესნიუსი,

სოციალური ქსელები

საქართველოს ბანკის მხარდაჭერით, ვორკშოპი „SME ლიდერობა: სწრაფი ნაბიჯებით, დიდ გზაზე“ გაიმართა

მარკუს ლამერტი: ვიზების შეზღუდვები გამოწვეულია საქართველოს მიერ ევროკავშირის წინაშე აღებული ვალდებულებების დარღვევით

ელჩი: ირანის დიპლომატიამ დაამტკიცა, რომ შეუძლია პირდაპირი დიალოგი იქონიოს საზოგადოებასთან

PSP-ს კამპანია Cannes Lions-ის ორ ყველაზე პრესტიჟულ კატეგორიაში მოხვდა