„აზრის შეცვლას არ ვაპირებ, უზურპატორი უნდა დაემხოს,  ნებისმიერი უზურპატორი, ნებისმიერ ქვეყანაში უნდა დაამხოს ხალხმა“, - ასე ეხმაურება „მთავარი არხის“ დამფუძნებელი, ნიკა გვარამია სახელმწიფო უსაფრთხოების სამსახურში მის დაბარებას.

გვარამია არ გამორიცხავს, რომ სოციალურ ქსელში დაწერილი სტატუსის გამო, სადაც ხელისუფლების დამხობაზე საუბრობს, ბრალი წარუდგინონ.

„აზრის შეცვლას არ ვაპირებ, უზურპატორი უნდა დაემხოს,  ნებისმიერი უზურპატორი, ნებისმიერ ქვეყანაში უნდა დაამხოს ხალხმა. რაც შეეხება დამხობის მოწოდებას, ამის განმარტებას გავაკეთებ და რადგან იმის განმარტება არ სჭირდებათ თუ უზურპატორი ვინ არის, იმიტომ რომ უკვე დაბარებიდან გამომდინარე გასაგებია,  სწორად გამოიცნეს, რომ ეს არის ბიძინა ივანიშვილი, დიახ ნამდვილად ის არის უზურპატორი. დამხობაში  რა ვიგულისხმე მგონი ისიც მიწერია პოსტში, მაგრამ რაკი წაკითხულიდან შინაარსის გამოტანა ჭირს, ეს PISA-ს კვლევებმაც აჩვენა ახლახანს. როგორც ჩანს, საქართველოში ეს დიდად მარტივი საკითხი არ არის. მივალ და დამარცვლით ავუხსნი საგამოძიებო უწყებას, უზურპატორს და მის დამქაშებს, რომლებიც მოხსენიებული მყავს იქ ხუნვეიბინებად  და მანქურთებად. პოსტი გამოძიების დაწყების საგანი პრაქტიკულად გახდა უკვე, სავარაუდოდ ბრალის წაყენების საგანიც გახდება.  პოსტი როგორ შეიძლება გამოძიების დაწყების საგანი იყოს ამ შინაარსის მით უმეტეს.  სიტყვა დაემხოს, როგორც ამ მუხლის დისპოზიციის შემადგენელი სიტყვა, როგორც ჩანს ამ სიტყვამ მოჭრა ყური საგამოძიებო უწყებას. შევახსენებ ყველას, რომ  სიტყვა დაემხოს არ არის ლექსიკონიდან ამოღებული და იგი არც მოკვლას უდრის, არც სისხლისღვრას და არც რაიმე ბრუტალურს“,- განაცხადა ნიკა გვარამიამ.

შეგახსენებთ, რომ ნიკა გვარამია სახელმწიფო უსაფრთხოების სამსახურში, გამოკითხვაზე 6 დეკემბერს, 11:00 საათზეა დაბარებული.

ავტორი: ექსპრესნიუსი,

სოციალური ქსელები

საქართველოს ბანკის მხარდაჭერით, ვორკშოპი „SME ლიდერობა: სწრაფი ნაბიჯებით, დიდ გზაზე“ გაიმართა

მარკუს ლამერტი: ვიზების შეზღუდვები გამოწვეულია საქართველოს მიერ ევროკავშირის წინაშე აღებული ვალდებულებების დარღვევით

ელჩი: ირანის დიპლომატიამ დაამტკიცა, რომ შეუძლია პირდაპირი დიალოგი იქონიოს საზოგადოებასთან

PSP-ს კამპანია Cannes Lions-ის ორ ყველაზე პრესტიჟულ კატეგორიაში მოხვდა