„ივანიშვილის ინიციატივა არის მორიგი ტყუილი, რომელსაც დღეს უკვე არავინ ჭამს“, - ასე ეხმაურება ფრაქცია „ნაციონალური მოძრაობის“ თავჯდომარე რომან გოცირიძე ბიძინა ივანიშვილის ინიციატივას, წყალტუბოში სასტუმროებისა და აბანოების გამოყიდვასთან დაკავშირებით.

მისი თქმით, აღნიშნული ინიციატივა გაჩერდება, როგორც სხვა დანარჩენი პროექტები, რომლებსაც ხელისუფლება მოსახლეობას დაპირადა.

„კაპიკეპად შეისყიდის და რა თქმა უნდა, ესეც გაჩერდება ისევე, როგორც გაჩერდა თერაპიის ცენტრი, რომელზეც 600 მილიონი ევრო უნდა დახარჯულიყო. სოფლის ინტერნეტიზაციის პროგრამა, რომელზეც 120 მილიონი უნდა დახარჯულიყო.. ქუთაისის ტექნოლოგიურ უნივერსიტეტში ახლა უნდა იყოს 300 ათასი სტუდენტი, ანუ რაც კი საქართველოში სტუდენტებია, მისი ნახევარი. ააშენებენ ერთ კორპუსს, 200 ან 500 კაცი ისწავლის მთელი წლის განმავლობაში და იქნება ჩვეულებრივი უნივერსიტეტი, რაც არის ქუთაისის აკაკი წერეთლის სახელობის უნივერსიტეტი“, - განაცხადა რომან გოცირიძემ.

მოამზადა ლანა მრავლაძემ

ავტორი: ექსპრესნიუსი,

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები