პარლამენტის იურიდიულ საკითხთა კომიტეტის სხდომაზე „ევროპული საქართველოს“ ერთ-ერთმა ლიდერმა გიგა ბოკერიამ უზენაესი სასამართლოს მოსამართლეობის კანდიდატს, გიორგი მიქაუტაძეს რეკომენდატორების რაოდენობასთან დაკავშირებით კითხვები დაუსვა.

კერძოდ, ბოკერია დაინტერესდა, რატომ წარმოადგინა მიქაუტაძემ მხოლოდ ორი რეკომენდატორი, როდესაც დადგენილი წესის მიხედვით, სამი უნდა წარედგინა.

"საბჭომ დაადგინა, რომ უნდა ყოფილიყო სამი რეკომენდატორი. მე არ ვიძახი, სწორი იყო ეს, ორი იყო სწორი, ხუთი თუ შვიდი, დაადგინა სამის წესი. თქვენ ეს წესი დაარღვიეთ და მხოლოდ ორი რეკომენდატორი წარმოადგინეთ, ახლა მითხარით, რატომ მოიქეცით ასე", - ჰკითხა ბოკერიამ მიქაუტაძეს.

მიქაუტაძემ ბოკერიას უპასუხა, რომ მოთხოვნებს ორგანული კანონი ადგენს, სადაც რეკომენდატორებზე არაფერი წერია. ამის პასუხად ბოკერიამ აღნიშნა, რომ ეს დადგენილი წესის ფეხებზე დაკიდებაა.

"ანუ ფეხებზე დაიკიდეთ. ჩემი გაგებით, ეს არის ფეხებზე დაკიდება თქვენივე ორგანოს მიერ დადგენილი წესის",- განაცახდა ბოკერიამ.

ცნობისთვის, უზენაესი სასამართლოს მოსამართლეების შერჩევის პროცესის ფარგლებში დღეს, პარლამენტის იურიდიულ საკითხთა კომიტეტზე იუსტიციის უმაღლესი საბჭოს მდივნის, გიორგი მიქაუტაძის მოსმენა მიმდინარეობს.

მოამზადა გიორგი ჩაფიძემ

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება