ხაზარაძის ადვოკატი „მუქარის წერილზე“: არავის უთქვამს, რომ ბრალდების მთავარი ადრესატი გიორგი გახარიაა

2019-10-21 13:56:06, 1684 ნახვა

კომენტარი

"არავის უთქვამს, რომ ბრალდების მთავარი ადრესატი არის გიორგი გახარია", - ამის შესახებ საზოგადოებრივი მოძრაობა „ლელოს“ დამფუძნებლის, მამუკა ხაზარაძის ადვოკატმა ზვიად კორძაძემ განაცხადა.

ადვოკატის განმარტებით, პროკურატურამ უნდა დაადგინოს იყო თუ არა გახარია მუქარის ავტორი და მან უბრალოდ წერილი გამოატანა ხაზარაძესთან.

"არავის არ უთქვამს რომ ბრალდების მთავარი ადრესატი არის გიორგი გახარია. ჩვენ ყოველთვის ვამბობთ, რომ წერილი გადმოგვეცა გიორგი გახარიასგან. შესაბამისად, ბრალდების მთავარი ადრესატი ის კი არაა ვისგან გადმოგვეცა წერილი, არამედ ის ვისგანაც მოდიოდა ეს მუქარა, ეს არის გამოძიების დასადგენი. გახარია იყო მუქარის ავტორი, თუ პირი რომელმაც წერილი გამოატანა, ეს ჩვენი საქმე არაა და არ ვიცით. მამუკა ამბობს იმას რაც იცის - წერილი მოვიდა გიორგი გახარიასგან“, - აღნიშნა ადვოკატმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან