საერთაშორისო საგზაო ტრანსპორტის ორგანიზაციის (IRU) გენერალური მდივანი უმბერტო დე პრეტო 22 ოქტომბერს თბილისის აბრეშუმის გზის ფორუმის პანელში „სატრანსპორტო კავშირები - ტრანსფორმაცია აბრეშუმის გზის გასწვრივ და მის მიღმა" მიიღებს მონაწილეობას, როგორც პანელის ერთ-ერთი სპიკერი.

უმბერტო დე პრეტო საერთაშორისო საგზაო ტრანსპორტის კავშირის (IRU) გენერალური მდივნის პოზიციაზე 2013 წლის ივნისში დაინიშნა.  მან IRU-ში მუშაობა 1995 წელს, ეკონომიკურ საქმეთა ხელმძღვანელად დაიწყო. მოგვიანებით გახდა პოლიტიკის კოორდინატორი და სტრატეგიის ხელმძღვანელი, ხოლო 2002 წელს დაინიშნა გენერალური მდივნის მოადგილედ. მისი ხედვა 2020 წლისთვის შემდეგია: IRU უხელმძღვანელებს საგზაო ტრანსპორტის ინდუსტრიას ინოვაციების დანერგვაში და დარწმუნდება, რომ ინდუსტრია მზად არის ყველა გამოწვევებისა და შესაძლებლობისთვის.

ოტავის კარლტონის უნივერსიტეტის პოლიტიკური მეცნიერების, ეკონომიკისა და საერთაშორისო ურთიერთობების დამთავრების შემდეგ, უმბერტო დე პრეტო  მუშაობდა კანადის მთავრობის მინისტრებისა და პარლამენტის წევრების იურიდიულ ასისტენტად. 1992 წელს საცხოვრებლად გადავიდა პარიზში, რათა მუშაობა გაეგრძელებინა ტრანსპორტის სამმართველოს უფროსის პოზიციაზე. მალევე დაინიშნა საერთაშორისო სავაჭრო პალატის დირექტორის მოადგილედ, სადაც პასუხისმგებელი იყო საერთაშორისო კომერციულ პრაქტიკებსა და ტექნიკებზე.

დე პრეტო კანადისა და იტალიის მოქალაქეა.

(NS)

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია