რობოტი სახელად „მზია“ დუბაიში, საერთაშორისო კონკურს „First Global“-ზე საქართველოს სახელით წარსდგება. 

”მზიას“ ახალგაზრდა შემქმნელები „გივი ზალდასტანიშვილის სახელობის თბილისის ამერიკული აკადემიის“ მე-11 კლასის მოსწავლეები, მაშიკო ლორთქიფანიძე და ნიკა კილაძე არიან. 

მათი თქმით,  რობოტს  კალათბურთის თამაში და აზიდვების გაკეთებაც შეუძლია. 

„საერთაშორისო კონკურსის წლევანდელი თემა ოკეანის დამაბინძურებლებია. კონკურსის მონაწილეებს ევალებათ, შექმნან რობოტები, რომლებსაც ნარჩენების შესრუტვა და გადამამუშავებელ პუნქტში წაღება შეეძლებათ. თამაშში ოკეანის ნაცვლად, მწვანე მოედანია მოწყობილი, სადაც ნარჩენების იმიტაციას ბურთები წარმოადგენს. უკვე ორი თვეა, რაც ამ რობოტზე ვმუშაობთ. გვინდა გავაუმჯობესოთ ჩვენი წინა შედეგები და წელს მეორე ადგილი მაინც დავიკავოთ.  ეს კონკურსი დუბაიში ტარდება და ვფიქრობ, მნიშვნელოვანია რომ შეგვიძლია კიდევ ერთ განხრაში მსოფლიო დონეზე გამოვჩნდეთ. შარშან ჩვენს გუნდს ძალიან კარგი შედეგი ჰქონდა და მათ მესამე ადგილი აიღეს. წელს  ძალიან ბევრი ვიშრომეთ და ვიმედოვნებთ, რომ არსებულ შედეგსაც გავაუმჯობესებთ. ჩვენ გავითვალისწინეთ წინა წლის დადებითი და უარყოფითი მხარეებიც და ვეცადეთ ისინი გაგვეთვალისწინებინა. გუნდში ექვსნი ვართ, მაგრამ ასევე გვეხმარებიან სხვებიც თავისი სურვილისამებრ. დასაწყისში შიდა შეჯიბრიც გვქონდა, რომელშიც ჩვენ გავიმარჯვეთ და ახლა დუბაიში საერთაშორისო კონკურსზე მივდივართ“, - ამბობს ნიკოლოზ კილაძე "ტვ პირველის" ეთერში. 

შეგახსენებთ, შარშან საქართველოს ნაკრებმა და რობოტმა „ვანომ“ 186 ქვეყანას შორის მესამე ადგილი დაიკავეს.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში