„მსოფლიო ეკონომიკური თავისუფლების" რეიტინგში საქართველოს პოზიცია ყოველწლიურად უმჯობესდება, რაც ნათლად ასახავს საერთაშორისო კვლევითი ორგანიზაციების დადებით დამოკიდებულებას საქართველოს ეკონომიკური პოლიტიკის მიმართ. ეს არის კარგი გზავნილი საერთაშორისო ინვესტორებისთვის, რომ საქართველოში ხორციელდება მნიშვნელოვანი რეფორმები, რომლებიც აუმჯობესებენ ბიზნეს და საინვესტიციო გარემოს", - ამის შესახებ ეკონომიკისა და მდგრადი განვითარების მინისტრის პირველმა მოადგილემ ეკატერინე მიქაბაძემ განაცხადა.

Fraser institute-ის 2019 წლის რეიტინგის „მსოფლიო ეკონომიკური თავისუფლების"  თანახმად, საქართველოს მდგომარეობა წინა წელთან შედარებით 1 პოზიციით გაუმჯობესდა. საქართველომ, წინა წელთან შედარებით, 5 ინდიკატორიდან 4 ინდიკატორში - „მთავრობის ზომა" (7,58 ქულა შეადგინა), „სამართლებრივი სისტემისა და საკუთრების უფლებების დაცვა" (6,34 ქულა შეადგინა), „საერთაშორისო ვაჭრობის თავისუფლება" (8,74 ქულა შეადგინა) და „რეგულაცია" (8.15 ქულა შეადგინა) მდგომარეობა გაიუმჯობესა, რამაც ქვეყნის საერთო რეიტინგზე დადებითი გავლენა იქონია.

საქართველოს უმაღლესი - 10 ქულიანი შეფასება აქვს ისეთი მიმართულებით, როგორიცაა: ზღვრული საგადასახადო განაკვეთი; უცხოურ ვალუტაში საბანკო ანგარიშის ფლობის თავისუფლება; შავ ბაზარზე გაცვლითი კურსების არარსებობა; კომერციული ბანკების არსებობა და სესხების საპროცენტო განაკვეთებზე კონტროლი.

(NS)

ავტორი: ექსპრესნიუსი,

სოციალური ქსელები

საქართველოს მთლიანმა საგარეო ვალმა, 2026 წლის 30 ივნისის მდგომარეობით 28.2 მლრდ აშშ დოლარი (74.5 მლრდ ლარი) შეადგინა

რუსეთის მოქალაქე, რომელმაც თბილისში აივნიდან გადმოაფსა, 15 დღით დააკავეს და შემდეგ საქართველოდან დაადეპორტებენ

საუდის არაბეთმა Flydubai-ს ბორტზე მომხდარ ინციდენტთან დაკავშირებით გამოძიება დაიწყო

საქართველოს ბანკმა AI-ის ყველაზე ინოვაციური გამოყენებისთვის DataIQ-სგან ჯილდო მიიღო