„გიორგი გახარიამ პრემიერ-მინისტრის პოსტი მიიღო იმიტომ, რომ დასაჯა ქართული საზოგადოება, რომელიც გავრილოვის ჩამოსვლას აპროტესტებდა“, - ამის შესახებ „ევროპული საქართველოს“ ერთ-ერთმა ლიდერმა სერგო რატიანმა განაცხადა.

როგორც მან აღნიშნა, „ევროპული საქართველო“ მთავრობის დამტკიცების პროცედურაში მონაწილეობის მიღებას არ აპირებს.

„ეს არის დაწინაურებული ჯალათის მთავრობა. გახარიამ ეს პოსტი მიიღო იმიტომ რომ დასაჯა ქართული საზოგადოება, რომელიც აპროტესტებდა გავრილოვის ჩამოსვლას. ჩვენ ვნახეთ, რომ თავად გავრილოვი აღტაცებით შეხვდა მის დანიშვნას. ეს არის ფაქტობრივად დამოუკიდებელი საქართველოს ისტორიაში ყველაზე სამარცხვინო მთავრობა და ბუნებრივია, ამ სამარცხვინო მთავრობის მინისტრთა კაბინეტის წევრებს არ ვაპირებთ რომ ვესაუბროთ მიმდინარე საკითხებზე. როგორც ჩანს, ბიძინა ივანიშვილმა ამოწურა ის რესურსი, როდესაც სთავაზობდა მაინც საზოგადოებას გარკვეულ სიახლეს ან ასევე გარკვეულ პოზიტიურ დღის წესრიგს. მას აღარ აქვს არანაირი დღის წესრიგი, ის ვერანაირ დაპირებასაც ვერ გასცემს, არავინ დაიჯერებს, ამიტომ ერთადერთი გზავნილი საზოგადოების მიმართ არის ის, რომ ყველა მოძალადე მინისტრი, რომელიც ჰყოლია ამ დროის განმავლობაში „ქართულ ოცნებას“, გამოიყვანა ასპარეზზე. ფაქტი, რომ თავდაცვის მინისტრად დაინიშნა ღარიბაშვილი, ესეც არის გამოწვევა. ეს არის მინისტრთა კაბინეტი, რომლის გზავნილიც არის ძალადობა და ვექტორის შეცვლა ჩრდილოეთისკენ“, - განაცხადა სერგო რატიანმა.

ავტორი: ექსპრესნიუსი,

სოციალური ქსელები

ევროპის საბჭოს მინისტრთა კომიტეტი საქართველოს ხელისუფლებას კანონმდებლობის გადახედვისკენ მოუწოდებს

შსს პოლიციელების მიერ ჩადენილ ძალადობის ფაქტებს ადასტურებს

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა