„თუ ვაზაგაშვილის საქმე არ გაიხსნება, არა მხოლოდ ჭიკაიძეს მოუწევს გადადგომა, არამედ მთელს მთავრობასაც“, - ამის შესახებ ჟურნალისტებს სოსო რობაქიძემ განუცხადა.

რობაქიძე მიიჩნევს, რომ საქართველოს მოქალაქეების თავს დაუცველად გრძნობენ თავს.

„ეს ასეც უნდა მომხდარიყო. არა მარტო ჭიკაიძე უნდა გადადგეს, თუ ამ საქმეს ვერ გამოიძიებენ, უნდა გადადგეს პროკურატურის თანამდებობის პირებიც. ჩვენ უკვე დაუცველად ვგრძნობთ თავს. თუ ვაზაგაშვილის საქმე არ გაიხსნება, არამხოლოდ ჭიკაიძეს მოუწევს გადადგომა, არამედ მთელს მთავრობასაც მოუწევს ამის გაკეთება. ეს სწორი გადაწყვეტილებაა, რომ გადადგა, იმიტომ, რომ ჭიკაიძის მინისტრობა ახლა არ შეიძლებოდა, რადგან ყველაზე მეტი პრეტენზია მასთან ჰქონდა იურის“, - განაცხადა სოსო რობაქიძემ.

ცნობისთვის, შინაგან საქმეთა მინისტრი ალექსანდრე ჭიკაიძე თანამდებობიდან გადადგა.
როგორც ჭიკაიძემ განმარტა, გადადგომის მიზეზი ბოლო დროს გაჟღერებულ ბრალდებაა, რომლის თანახმადაც, ალექსანდრე ჭიკაიძე ზურა ვაზაგაშვილის მკვლელობაში მონაწილე პირებს ხელს აფარებს.
"მინდა მივმართო საქართველოს პრემიერ-მინისტრს გადადგომის მოთხოვნით. ჩემი ეს გადაწყვეტილება განაპირობა ბოლო დროს გაჟღერებულმა ბრალდებებმა, თითქოს მე ხელს ვაფარებ ზურა ვაზაგაშვილის მკვლელობაში მონაწილე პირებს. მიუხედავად იმისა, რომ ეს ბრალდება არ შეესაბამება სიმართლეს, მე ვგრძნობ მორალურ პასუხისმგებლობას და ვტოვებ დაკავებულ თანამდებობას. იმ შემთხვევაში, თუ მოხდებოდა ცხელ კვალზე იური ვაზაგაშვილის მკვლელობის გამოძიება, მე არ მივიღებდი ასეთ გადაწყვეტილებას. ამ ტრაგედიის დღეს მე არ ვიმყოფებოდი საქართველოში. ვინაიდან გამოძიება გრძელდება, ვთვლი, რომ უნდა ჩამოვშორდე პროცესს, რათა საზოგადოებას არ დარჩეს კითხვები ხელისუფლების მიმართ. გამოვთქვამ იმედს, რომ უახლოეს მომავალში გამოძიება დასრულდება და ყველაფერს თავისი სახელი დაერქმევა",- ნათქვამია ალექსანდრე ჭიკაიძის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში