„მე ვერ ვხვდები, რატომ თვლით, რომ მათთვის [დავით დვალისა და ჯარჯი აქიმიძისთვის] 50%-ის  გადაცემა  სარედაქციო პოლიტიკის დამოუკიდებლობის გარანტი იქნება“, -  ამის შესახებ ტელეკომპანია „რუსთავი 2“-ის გენერალურმა დირექტორმა პაატა სალიამ ჟურნალისტებს განუცხადა.

როგორც სალიამ აღნიშნა, „რუსთავი 2“-ის სარედაქციო პოლიტიკაში მისი ქიბარ ხალვაშისთვის გადაფორმების შემდეგ არავინ ჩარეულა.

„კიდევ ერთხელ ვამბობ, ამ სარედაქციო პოლიტიკის დამოუკიდებლობასთან დაკავშირებით, რომ საუბრები ძალიან ბევრია. ჩემი პასუხი არის, რომ ყოველდღიურობა გვაჩვენებს იმას, რომ სარედაქციო პოლიტიკაში არც არავინ ჩარეულა და არხი აგრძელებს მუშაობს, ისე როგორც მუშაობდა. ჟურნალისტებს, თავიანთ პროფესიულ საქმიანობაში ხელს არავინ არ უშლის და ვერავინ ვერ მეტყვის, რომ ვინმემ რაიმე მითითება მათ მისცა. მე ისიც ვთქვი, რომ თუ ვინმესგან რამე მითითებას მიიღებენ ჩემი გვერდის ავლით, ამაზეც უნდა თქვან და ყველზე ძლიერი და მძლავრი იარაღი გაქვთ ხელში, კამერა და მიკროფონი, მე ვერ დაგასწრებთ თქვენ კამერასთან და მიკროფონთან მისვლას, თქვენ ყოველთვის შეგიძლიათ თქვათ, რომ რაღაც ხდება და ეს ერთ დღეში მოგეხსენებათ. ამიტომ ვამბობ, რომ ჩვენ შორის, ეს გარანტიები იქნება საბოლოოდ ის ჩამოყალიბებული ნდობა, რომელიც ერთ მშვენიერ დღეს გაჩნდება. ამიტომ, 50%-ის კონტროლი, ამ შემთხვევაში, ჩემი აზრით, არანაირი გარანტია არ არის სარედაქციო დამოუკიდებლობის. ძალიან დიდი ბოდიში, დათოს განცხადება იყო, რომ ის აპირებს, სარედაქციო პოლიტიკის შეცვლას "რუსთავი 2-ის", ამ შემთხვევაში, სად არის ლოგიკა ამ შეკითხვასა და მის განცხადებას შორის. ჯარჯი და დათო ამბობენ, რომ მათ არ მოსწონთ "რუსთავი 2-ის" სარედაქციო პოლიტიკა, რომ სხვანაირი უნდა იყოს არხი. ჩვენც იგივეს ვამბობთ, რომ კრიტიკული უნდა იყოს, მაქსიმალურად კრიტიკული უნდა იყოს და ყველა აზრი უნდა ისმოდეს ამ არხზე. საზოგადოებრივი განწყობების, საზოგადოების აზრის გამომხატველი უნდა იყოს ეს ტელევიზია“, - აცხადებს პაატა სალია.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს